ءاليا نازارباەۆا مۇعالىمدەر مەن دارىگەرلەرگە قاتىستى جوبانى قولعا الدى

قازاقستاننىڭ تۇڭعىش پرەزيدەنتىنىڭ كەنجە قىزى ءاليا نازارباەۆا كوگالداندىرۋعا قاتىستى تاعى ءبىر باستامانى قولعا الدى، دەپ حابارلايدى Sputnik قازاقستان.

جوبا اياسىندا ساياباقتارعا اعاشتار ەگىلەدى. وعان كوگالداندىرۋ ىسىنە بەي-جاي قارامايتىن ءاربىر ادام قاتىسا الادى. نازارباەۆا ەلىمىزدەگى كوگالداندىرۋ تۋرالى باستامالاردى بىرىكتىرۋ ماقساتىندا «قازاقستان ءۇشىن ەگىلگەن اعاشتار» جوباسىن رەسمي تۇردە ىسكە قوسىلعانىن حابارلادى. ايتۋىنشا، پلاتفورمانىڭ العاشقى جوباسى «Ustaz Alany» دەپ اتالادى.

«2019 جىلدان بەرى قور (قوعامدىق ماڭىزى بار باستامالاردى دامىتۋ قورى)  «قازاقستان مۇعالىمى» ۇلتتىق سىيلىعىن تاعايىندادى. سىيلىق جەڭىمپازدارىنىڭ قۇرمەتىنە قور نۇر-سۇلتانداعى «Ustaz Alany» الاڭىنا اعاش وتىرعىزدى. ساياباق ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ماڭىندا ورنالاسادى»، – دەدى نازارباەۆا. سونداي-اق، «قازاقستان ءۇشىن ەگىلگەن اعاشتار» پلاتفورماسى ارقىلى «مەديتسينا قىزمەتكەرلەرى پاركى» جوباسىن قولداۋعا بولادى. سول ارقىلى پاندەميا كەزىندە كۇندەلىكتى جۇمىس ىستەگەن مامانداردىڭ زور ەڭبەگىنە العىس ايتۋعا مۇمكىندىك بار.

«حالىقارالىق ايەلدەر كۇنى مەن ناۋرىز مەيرامىنا وراي ەسىل وزەنىنىڭ جاعالاۋى مەن ناۋرىز كوشەسىنىڭ بويىندا اكتسيالار وتكىزىلەدى»، – دەپ تولىقتىردى ول.

سونداي-اق، ءاليا نازارباەۆا الەۋمەتتىك جەلىدە  #trees4kz حەشتەگىن قويىپ، جوباعا قاتىسىپ جاتقانىن كورسەتۋگە بولاتىنىن ايتتى.

ۇقساس جاڭالىقتار

Back to top button