Елордада қатты аяз: 0-4 сыныптар қашықтан оқиды

Елордада қатты аязға байланысты қала мектептерінде кезекші топта білім алатын оқушылар қашықтан оқуға көшірілді. «21 желтоқсан күні ауа райының қолайсыздығына байланысты қала мектептерінің бірінші ауысымындағы 0-4 сынып оқушылары үшін сабақ қашықтан оқыту форматына ауысады», – делінген Нұр-Сұлтан қалалық Білім басқармасының ақпаратында. Осы уақытта елордада температура бағамы -26 градус аязды көрсетіп тұр.