Бүгін ауа райы қандай болады – Қазгидромет

Синоптиктер 4 желтоқсанға арналған ауа райы болжамын жариялады.

«Қазгидромет» РМК мамандарының мәліметінше, фронттардың әсерінен республиканың кей жерінде қар жауады. Оңтүстікте және оңтүстік-шығыста жауын-шашын (көбіне қар түрінде) болады.

Еліміздің батысында ғана күн ашық, жауын-шашын жаумайды. Кей жерде тұман түседі, жаяу бұрқасын көтеріліп, жел күшейеді.

Оңтүстікте көктайғақ болады. Жамбыл облысының кей жерінде тұман түсіп, көктайғақ болады. Күндіз боран соғады. Желдің екпіні – 15-20 м/с.

Түркістан, Шығыс Қазақстан облыстарының кей жерінде тұман түседі, жаяу бұрқасын көтеріледі. Күндіз жел екпіні 15-20 м/с жетеді. Түркістан облысының кей жерінде көктайғақ болады.

Ақмола облысының кей жерінде тұман түседі, боран соғады. Жел қарқыны 15-20 м/с дейін күшейеді.

Алматы облысының кей жерінде түнде және таңертең тұман түседі. Жалаңашкөл ауданында желдің күші – 15-20 м/с.

Батыс Қазақстан, Қостанай, Солтүстіқ Қазақстан, Павлодар, Қарағанды облыстарының кей жерінде тұман түседі.

Манғыстау облысының кей жерінде жолда көктайғақ болады. Маңғыстау облысының солтүстігінде 22 градусқа дейін қатты аяз білінеді.

Back to top button