А.Құсайынов,
Педагогикалық Ғылымдар академиясының президенті, академик
Жас ақындар мүшәйрасы
Жас ақындар мүшәйрасы
Ақпарат және қоғамдық даму министрлігі және Азаматтық бастамаларды қолдау орталығы КЕАҚ қолдауымен ұйымдастырылған Абайдың 175 жылдығына арналған Мүшәйра – республикалық жас ақындар конкурсы жобасы нәтижелі аяқталды.
Ұлы ақының өлеңдерінен және қара сөздерінен 2 ай бойы челлендждер мен викториналар ұйымдастырылып, оған 4,5 мыңға жуық адам қатысып, жеңімпаздарға 20, 30 және 50 мың теңгеге көлемінде сыйақы табысталды. Жастардың жазу дағдыларын дамыту мақсатында онлайн семинар-тренингтер мен мастер-кластар ұйымдастырылды. Шараға елімізге танымал ақындар мен жазушылар, абайтанушы ғалымдар тартылды. Тренингке 500-ден астам, мастер-класқа 1 000-нан астам жастар қатысты.
Сондай-ақ 7-14 қазан күндері аралығында республикалық жас ақындар мүшәйрасы ұйымдастырылды. Мүшайраға еліміздің 17 өңірінен 51 жас ақын қатысты. Арнайы құрылған Әділқазылар алқасы (Қазақстан Жазушылар Одағы поэзия кеңесінің төрағасы, Қазақстанның еңбек сіңірген қайраткері, танымал ақын М.Райымбекұлы, Халықаралық «Илхам» сыйлығының лауреаты Д.Байтұрсынұлы, бірнеше мүшәйра жүлдегері А.Исаділ, «Серпер» сыйлығының лауреаты Ә.Шегебай және бірнеше мүшәйра жүлдегері М.Құнапияқызы) барлық үміткердің жұмыстарымен мұқият танысып, олардың әрқайсысын онлайн режимінде бірге отырып тыңдап, 4 жеңімпазды анықтады (Анықтама: Жеңімпаздар Ясауи атындағы ХҚТУ студенті Дәурен Тлеуханұлына «Гран-при» (Ақтөбе облысы, 500 мың теңге), «Әдебиет порталы» интернет-жобасының қызметкері Арман Шеризатовқа 1-орын (Нұр-Сұлтан қаласы, 300 мың теңге), «Еуразия+ОРТ» телеарнасы қызметкері Алмапыс Файзоллаға 2-орын (Нұр-Сұлтан қаласы, 200 мың теңге), Түркістан облысы жастар ресурстық орталығының баспасөз хатшысы Рысгүл Досжановаға 3-орын (Түркістан облысы, 100 мың теңге) беру туралы шешім қабылдады.
Республикалық Мүшәйраға қатысқан барлық 51 жас ақын-жазушылардың өмірбаяны мен еңбектері жеке кітап болып басылып шығады және оларға ұлы Абайдың бейнесі салынған футболка, нақыл сөзі жазылып, арнайы дайындалған сөмке және жазу дәптері табысталды.
Келешекте дәл осындай жобалар өз жалғасын табады деп ойлаймын.