285
Пікірталасқа түскен жасотандықтар өзекті мәселелерді ортаға салды
Пікірталасқа түскен жасотандықтар өзекті мәселелерді ортаға салды
Пікірталас – бұл өз ұстанымыңызды тұжырымдап, қорғауды және логикалық ойлауды үйренудің ғана емес, сонымен қатар күрделі мәселелерді шешуге қол жеткізудің, өзіңізді қарсыластың орнына қоюдың, кез-келген жағдайды әр түрлі жағынан талдаудың және идеялар бәсекелестігінің құндылығын көрудің тамаша тәсілі. Дебатқа қатыса алу мүмкіндігі күнделікті өмірде қажет.
Бүгінгі ашық пікірталастың ұйымдастырушылары дәл осыны мақсат етуде. Жасотандықтар, белсенділер, студенттер және дебат клубтарының өкілдері өз аймақтарының өзекті мәселелерін және тараптардың пікірлерін талқылады, берілген «кейстер» бойынша тапсырмалар мен ағымдағы мәселелерді шешуге деген өз көзқарастарын ұсынды.
Іс-шараға еліміз бойынша 700-ден астам адам қатысты. Сонымен қатар, пікірталас аясында тәжірибелі ойыншылар жас дебатерлермен өзара тәжірибе алмасты.
Пікірсайысшылар «Елдің экологиялық мәселелері және оларды шешу жолдары», «Оқыту процесіндегі дуалды білім беру», «Атырау облысындағы Интернеттің қолжетімділігі», «Қазақстандық жастардың негізгі қажеттіліктері», «Жастардың азаматтық белсенділігі» және т. б. сынды өзекті мәселелерді талқылап, оларға жауап тапты.
Карантиндік шараларға байланысты ойындарға көрермендер қатыса алмады, бірақ жасотандықтар шешім тауып, әлеуметтік желілер арқылы Тікелей эфир ұйымдастырды. Әр адам пікірталасты тікелей эфирде немесе сақталған жазбада көре алды.
Сондай-ақ, барлық қатысушылар әлеуметтік қашықтық пен маска режимін қатаң сақтады.
«Jas Otan» ЖҚ жетекшісі Елнұр Бейсенбаев атап өткендей, дебат жастардың әлеуетін іске асыруға, жаңа көшбасшыларды тәрбиелеуге көмектеседі және қоғамның өзекті сұрақтарына жауап береді.
«Пікірталас жастарға өз көзқарастарын дұрыс айтуға және қорғауға көмектеседі. Яғни, олардан болашақ саясаткерлер, тіпті мемлекет басшылары да қалыптасады. Сондықтан пікірсайысшылардың қозғалысы өте маңызды және оны сақтау қажет. Бізге жастар қанаты ретінде, жас белсенділердің арасындағы пікір алмасу қажет деп санаймын».
Айта кетейік, жастар қанаты бүкіл ел бойынша пікірсайыс турнирлерінің үлкен қолдаушысы болып табылады. Жыл сайын турнирлер өткізіліп тұрады, сондай-ақ өткен жылы «Jas Otan» ЖҚ ықпалымен ҚР Ұлттық пікірталас федерациясы құрылды.
«Пікірталас жастарға өз көзқарастарын дұрыс айтуға және қорғауға көмектеседі. Яғни, олардан болашақ саясаткерлер, тіпті мемлекет басшылары да қалыптасады. Сондықтан пікірсайысшылардың қозғалысы өте маңызды және оны сақтау қажет. Бізге жастар қанаты ретінде, жас белсенділердің арасындағы пікір алмасу қажет деп санаймын».
Айта кетейік, жастар қанаты бүкіл ел бойынша пікірсайыс турнирлерінің үлкен қолдаушысы болып табылады. Жыл сайын турнирлер өткізіліп тұрады, сондай-ақ өткен жылы «Jas Otan» ЖҚ ықпалымен ҚР Ұлттық пікірталас федерациясы құрылды.
