__Bastı slayderJañalıqtar

Almatıda parkomat köbeyedi

Almatıda jıl soñına deyin 100 parkomat ornatıladı. «Almatı spectehparking servis» JŞS habarlauınşa, osı şilde ayınıñ soñına deyin-aq, 20 parkomat paydalanuğa beriledi.

Birıñğay avtomattandırılğan avtokölik jüyesin «Almatı spectehparking servis» JŞS Almatı äkimdiginiñ tapsırmasımen äzirlegen bolatın. Almatı qalasın damıtu josparına säykes, jobanı qolğa aludağı bastı maqsat – qalada avtokölik qoyatın orındardı paydalanudıñ rettelgen jüyesin jasau.

Mamandardıñ aytuınşa, avtokölikter men qoğamdıq kölikterdiñ jäne jayau jürginşilerdiñ qala köşelerinde jüruine qolaylı jağday jasaudıñ bir jolı – osı aqılı avtotwraqtar jüyesin engizu bolıp tabıladı.
Aqılı avtotwraqtıñ sınamalı aymağı 75 jaña avtokölik ornına keñeytildi. Ol Zenkov köşesiniñ boyında (Maqataev pen Gogol' köşeleriniñ aralığı) ornalasqan. Jalpı, birıñğay avtomattandırılğan jüye jobası ayasında alğaşqı üş apta işinde 135 avtotwraq ornı paydalanuğa berildi. Al tüsken qarjı şamamen 800 mıñ teñgeni qwradı.

Almatı qalası Tabiği resurstar jäne tabiğattı paydalanudı retteu basqarması basşısınıñ orınbasarı Aydın Kerimbektiñ aytuınşa, tüsken qarjınıñ 30 payızı jergilikti byudjetke qalalıq kölik infraqwrılımı men soğan irgeles aumaqtardı abattandıruğa jwmsaladı.

Aqılı avtotwraqtan tüsetin aqşa aldımen «Almatı spectehparking servis» JŞS arnayı şotına salınadı. Alğaşqı jinalğan qomaqtı qarjı Almatı ortalığında zamanui avtotwraq keşenin saluğa jwmsalmaq.

 

 

Back to top button