__Bastı slayderJañalıqtar

Prezident 67 jasqa toldı

Bügin Memleket basşısı Qasım-Jomart Toqaev 67 jasqa toldı.

Qasım-Jomart Kemelwlı 1953 jıldıñ 17 mamırında Almatı qalasında düniege keldi.

1970 jılı  oñtüstik astanadağı №25 orta mektepti bitirgen soñ Qazaqstannıñ bolaşaq prezidenti Mäskeu memlekettik halıqaralıq qatınastar institutına oquğa tüsedi.

Eñbek jolı 1975 jılı KSRO Sırtqı ister ministrliginen bastap, Singapur Respublikasındağı keñestik elşilikke joldanadı.

1992 jılı Resey Federaciyası Sırtqı ister ministrliginiñ Diplomatiyalıq akademiyasın bitiredi.

1993 jıldan 1994 jılğa deyin Qazaqstan Respublikası Sırtqı ister ministriniñ orınbasarı boldı. Osıdan keyin 5 jıl işinde elimizdiñ sırtqı sayasat bölimin özi basqardı.

1999 jılı respublika prem'er-ministriniñ orınbasarı bolıp tağayındaldı.

1999-2002 jıldarı Qazaqstan ükimetin basqardı.

2002-2003 jıldarı Qazaqstan Respublikasınıñ Memlekettik hatşısı, Sırtqı ister ministri boldı.

2003-2007 jıldarı ol qaytadan Qazaqstan Respublikasınıñ Sırtqı ister ministrligin basqardı.

2007-2011 jıldarı Q.Toqaev deputat, Senat törağası boldı.

2011-2013 jıldar aralığında BWW Bas hatşısınıñ orınbasarı, Jenevadağı BWW Europalıq böliminiñ basşısı bolıp jwmıs istedi.

2013 jılğı 16 qazanda Qazaqstan Respublikası Parlamenti Senatınıñ spikeri bolıp saylandı. Ol bwl qızmetti 6 jılğa juıq uaqıt atqardı.

2019 jıldıñ 20 naurızında Elbası Nwrswltan Nazarbaev prezidenttikten ketu turalı şeşim qabıldağannan keyin Qasım-Jomart Toqaev Qazaqstan Respublikasınıñ prezidenti boldı.

Ötken jıldıñ 9 mausımında kezekten tıs prezidenttik saylauda Qasım-Jomart Kemelwlı jeñiske jetti. 12 mausımda wlıqtau räsimi bolıp ötti.

Qasım-Jomart Toqaev – sayasi ğılımdardıñ doktorı, Düniejüzilik gumanitarlıq jäne jaratılıstanu akademiyasınıñ tolıq müşesi, halıqaralıq qatınastar mäseleleri boyınşa ondağan kitaptıñ avtorı.

Qazaqstan Prezidenti – Şen'çjen' universiteti (QHR) men Resey sırtqı ister ministrligi diplomatiyalıq akademiyasınıñ qwrmetti professorı jäne Myunhen qauipsizdik konferenciyası «Aqıldılar keñesiniñ» müşesi.

Ol 13 jıl boyı Qazaqstan üstel tennisi federaciyasın basqardı.

Qasım-Jomart Toqaev – poliglot: qazaq, orıs, ağılşın, qıtay jäne francuz tilderin jetik biledi.

Eske sala ketsek, Prezidenttiñ baspasöz hatşısı Berik Uäli Qasım-Jomart Toqaev öz tuğan künin qalay atap ötetinin aytıp bergen bolatın.

Berik Uälidiñ sözinşe, Memleket basşısı bwl kündi toylağandı wnatpaydı. Öytkeni ol kisiniñ otbasında balalardıñ da, eresekterdiñ de tuğan küni toylanbaydı eken. Sondıqtan Prezident Äkimşiliginiñ qızmetkerlerine tuğan künimen qwttıqtamau, estelik sıylıqtar tartu etpeu turalı eskertilipti.

Back to top button