جاڭالىقتار

ەكى كيىكتى كولىگىمەن قاعىپ ولتىرگەن قوستانايلىق سوتتالدى

«قىزىل كىتاپقا» ەنگەن ەكى كيىكتى كولىگىمەن قاعىپ ولتىرگەن قوستانايلىق ازامات 2 جىلعا سوتتالىپ كەتتى دەپ حابارلايدى  وبلىستىق پوليتسيا دەپارتامەنتى ءباسپاسوز قىزمەتى. 

پوليتسيانىڭ مالىمەتىنشە، 36 جاستاعى ەر ادام ناۋرىزىم اۋدانىنداعى ولەڭدى اۋىلىنىڭ ماڭىندا جايىلىپ جۇرگەن 4 كيىكتى ءوزىنىڭ «نيۆا» كولىگىمەن قۋىپ ءجۇرىپ، اقىرىندا ەكەۋىن سوعىپ ولتىرگەن.

«كۇدىكتى زاڭسىز اتقان كيىكتىڭ ءبىرىن كولىگىنە تيەپ الىپ، ەكىنشىسىن سول جەرگە تاستاپ كەتكەن. وسى ۋاقىتتا سول ماڭنان ءوتىپ بارا جاتقان ناۋرىزىم اۋدانىنىڭ تۇرعىنى قىلمىسكەردىڭ ارەكەتىنە كۋا بولادى. ول كولىكتىڭ سوڭىنا ءتۇسىپ، بولعان جايدى پوليتسياعا حابارلاپ ايتقان. ءتارتىپ ساقشىلارى كۇدىكتىنى كوپ ۇزاتپاي قولعا ءتۇسىردى»، – دەيدى پد ءباسپاسوز قىزمەتى.

ناۋرىزىم اۋدانىنىڭ پوليتسيا ءبولىمى كۇدىكتىگە قاتىستى قر قك 337-بابى («زاڭسىز اڭ اۋلاۋ») بويىنشا تەرگەۋ جۇرگىزدى. ناتيجەسىندە، اۋداندىق سوتتىڭ ۇكىمىمەن قوستاناي قالاسىنىڭ 36 جاستاعى تۇرعىنى ەكى جىلعا باس بوستاندىعىنان ايىرىلدى. ونىڭ ورمان شارۋاشىلىعىنا كەلتىرگەن شىعىنى 6 ميلليون تەڭگەدەن اسادى.

ايتا كەتەرلىگى، كيىكتەر سيرەك كەزدەسەتىن جانە جويىلىپ كەتۋ قاۋپى بار جانۋارلار قاتارىنا جاتادى.

Back to top button