15 Қыркүйек, 17:13 476 0 Спорт Анар ЛЕПЕСОВА

Қазақстандық боксшы жеңіліп көрмеген америкалықты нокаутқа жіберді

Жеңіліп көрмеген америкалық боксшы Исидро Очоаны қазақстандық қарсыласы Ескендір Харсан техникалық нокаутпен жеңді, деп хабарлайды Vesti.kz.

Олардың жекпе-жегі АҚШ-тың Невада штаты Лас-Вегас қаласындағы T-Mobile аренасында өтті. Бұл бокс кешінің басты кездесуінде ұлыбританиялық Тайсон Фьюри мен швециялық Отта Валлинмен жұдырықтасатын болады.

Аса жеңіл салмақта жұдырықтасқан Харсан мен Очоа кездесуі сегіз раундқа есептелген. Алайда қазақстандық боксшы қарсыласын бесінші раундта нокдаунға жіберген, үзілісте танымал бапкері Роберто Гарсия өз боксшысын жарыстан шығарып алды.

22 жастағы Харсан осымен жетінші кездесу өткізіп, барлық жекпе-жекте жеңімпаз (алты нокаут) атанды, ал оның құрдасы Очоа спорттық мансабында алғаш рет жеңілді. Харсан спорттық мансабын 2017 жылдың шілдесінде бастады. Жеті жекпе-жектің алтауын ол АҚШ-та өткізді, ал биыл наурыз айында Алматыда өнер көрсетіп, Қазақстанда бірінші рет өнер көрсетті. Қазір ол WBC InterContinental екінші дәрежелі титулының "жастар" тұжырымы бойынша чемпиондық белбеуге ие.

Очоа Харсанға қарсы жекпе-жек өткізу үшін Калифорния штатынан бірінші рет шықты. Кәсіпқой бокста американдық 2016 жылдың желтоқсанынан бастап өнер көрсетіп келеді. Айта кетейік, Харсан биыл ұлыбританиялықи MTK Global менеджерлік компаниясының қазақстандық филиалымен келісімшартқа қол қойды.

Соңғы жаңалықтар