Головкин мен Альварестің үшінші жекпе-жегі қашан өтеді

Қазақстандық спортшы Геннадий Головкиннің шаршы алаңға қашан оралатын белгілі болды, деп жазады Sports.kz. Головкиннің келесі қарсыласы поляк Камил Шереметаның промоутері Анджей Василевский қос боксшы арасындағы жекпе-жек қазан немесе қараша айына жоспарланғанын мәлімдеді. Дәлірек айтсақ, қазанның екінші немесе үшінші сенбісі немесе қарашаның алғашқы сенбісі. Бұл 2020 жылы Геннадий Головкин мен мексикалық Сауль "Канело" Альварес трилогиясы өтпейтінін білдіреді. Болжамға жүгінсек, спортшылардың кездесуі 2021 жылдың алғашқы жартысында, дәстүрлі мексикалық "Синко де майо" мерекесіне орай өтеді.