Бұдан былай ұшақ жолаушылары коронавирусқа тест тапсырмайды

Көліктегі бас мемлекеттік санитар дәрігер Сәдуақас Байғабылов бұдан былай әуе көлігі жолаушыларынан Covid-19 инфекциясына ПТР тесттен өткендігі жөнінде анықтама талап етілмейтінін мәлімдеді.  Бұған дейін хабарланғандай, алдағы уақытта елдің ішкі әуе рейстеріне талаптар жұмсартылады. Себебі қазір сырттан келетін жолаушыларға COVID-19 белгілерін растайтын белгілері және басқа да талаптар бойынша арнайы мониторинг жүргізіледі. Айта кету керек, 2020 жылдың 1 мамырынан 10 мамыры аралығында жүргізілген мониторинг нәтижелері бойынша әуе кемесімен ұшып келген жолаушылар, әуежай қызметкерлері мен әуе кемесінің экипаждары арасында коронавирус инфекциясын жұқтыру оқиғалары тіркелген жоқ. Осыған байланысты, биылғы жылдың 11 мамырынан бастап жолаушылар, әуежайлар қызметінің өкілдері және экипаж үшін Covid-19 инфекциясына ПТР тесттен өту міндетті талабы алынып тасталды. Көліктегі бас мемлекеттік санитарлық дәрігер тиісті қаулы қабылдады.