Астанаға келіп алданып, 10 жыл бойы автобустарда ән айтқан ата (ВИДЕО)
Махамбетәли аға биыл 63 жасқа толып, зейнетке шыққан.
2013 жылдан бері қоғамдық көлікте ән айтып, табыс тауып жүрген Маханбетәли Тұрымбетов ел ішінде «қалпақты әнші аға» атанған. Кәсіби әншіден кем түспейтін ол жолаушылардың арасынан жанкүйерлер тауып, көпшіліктің ықыласына бөленіп жүр. Turkystan.kz тілшісі Маханбетәли ағамен әңгімелесіп, өнері жайлы және мұндай кәсіппен айналысуына не түрткі болғанын сұрап білді.
Маханбетәли аға Астанаға 10 жыл бұрын бір танысының шақыруымен шығармашылық жұмыс істеуді көздеп келгенін айтады. Алайда, ол танысы көзден ғайып болып, оған алданып қалғанын айтады.
Әнші Астанаға келгеннен кейін түрлі жұмыс істеп, нәпақа табуға тырысқан. Әдепкіде автобуста ән айтамын деп мүлде ойламадым дейді.
Жанр таңдамайтын өнерпаз қазақша, орысша классикалық және халық әндерін, тіпті рок стиліндегі музыкаларды да орындай береді.
Ол балаларының қоғамдық көлікте ән айтатынына көзқарасы жақсы екенін жеткізді.
Маханбетәли аға биыл 63 жасқа толып, зейнетке шыққан. Қазір 7 баласынан 22 немере сүйіп отыр.
Маханбетәли аға қуатым кеткенше ән айтуды жалғастыра беремін дейді. Ең бастысы, ол кәсібін сүйікті ісіне айналдыра білген бақытты жан екенін айтады.