Шетелдегі қандастар Ұлттық құрылтайға мүше болғысы келеді
«Отандастар» форумында Ұланбатыр қаласында «Қазақ мәдениет орталығын» ашу ұсынылды.
Шетел қазақтары бас біріктірген «Отандастар» форумына қатысқан Моңғолия Ғылым академиясының академигі, экономика ғылымдарының докторы, профессор Бәкей Ағыпарұлы осындай бастама көтерді, деп хабарлады Turkystan.kz.
Ол өңірлік көлік-логистикалық интеграция аясында өзара байланысты нығайту аса маңызды мәселе екеніне назар аударды.
Профессор Ұланбатыр қаласы мен қала маңындағы аймақтарда 20 мың қазақ тұратынын тілге тиек етіп, Ұланбатыр қаласында «Қазақ мәдениет орталығын», сонымен қатар қазақ тілінде балабақша ашуды ұсынды.