Ғалымдар жақсы ұйқы деген шын мәнінде қандай болатынын түсіндірді

Адамдардың көбі жастыққа басын тигізген бойда терең ұйқыға кетіп, шамамен сегіз сағаттан кейін сергек күйде оянамыз деп ойлайды. Алайда, шын мәнінде, дені сау ұйқы түні бойы циклдермен жүреді, сіз әртүрлі ұйқы кезеңдеріне еніп, бірнеше рет оянасыз. Кейбіреулер оянғанын есінде сақтаса, басқалары оларды байқамайды, деп жазды sciencealert.com.

Әр ұйқы циклі шамамен 90 минутқа созылады. Әдетте, біз түнді жеңіл ұйқыдан бастаймыз, содан кейін терең ұйқы кезеңдеріне өтіп, тез ұйқы фазасында қайта оянамыз.

Егер біз жақсы ұйықтасақ, терең ұйқының көп бөлігі түннің бірінші жартысына келеді, ал жеңіл ұйқы фазасы көбінесе түннің екінші жартысына түседі. Ересектер түнде әдетте бес немесе алты ұйқы циклінен өтеді және әр циклдің соңында қысқа уақытқа ояну қалыпты жағдай. Бұл біз түнде бес рет ояна аламыз деген сөз. Жас ұлғайған сайын бұл жиілеуі мүмкін, бірақ ол әлі де дені сау ұйқы деп саналады. Егер сіз бұл оянуларды есіңізге түсірмесеңіз, бұл қалыпты жағдай –олар өте қысқа болуы мүмкін.

Ересектерге күніне жеті-сегіз сағат ұйқы қажет дегенді жиі естиміз. Бірақ жақсы ұйқы – бұл тек ұйықтаған сағаттар емес, сонымен қатар оның сапасы. Көптеген адамдар үшін жақсы ұйқы дегеніміз –30 минут ішінде ұйықтап кету, ұзақ уақыт бойы оянбай ұйықтау және таңертең сергек ояну.