Жаңалықтар

Торғайлықтармен кездескен Архимед Мұхамбетов сынның астында қалды

22-04-2022 Ерік Елеусіз

Кеше Қостанай облысының әкімі Архимед Мұхамбетов елордада Торғай өңірінің үлкендері мен белсенді жастарын жинап, биыл болатын Ахмет Байтұрсынұлының 150 жылдығына арналған іс-шаралар жоспарын айтып, әрі қасиетті Рамазан айына сәйкес келген жиында ауызашар рәсімін жасады. Сол сәтте ол бір дастарқан басына жиналған жастардың Торғай өңірін дамыту жөніндегі ұсынысынан азар да-безер болып қашқан көрінеді. Бұл туралы кезінде Арқалық қаласының әкімі болған Жомарт Түбекбаев өзінің Facebook-тегі парақшасына жазды деп хабарлады turkystan.kz.
Сол кезде облыс әкімі жиын тізгінін жоғалта бастаған Ерлан Қалмақовтың қолынан микрофонды алып, жиынды доғарып, жастармен жеке сөйлесуге уәде беріпті. Содан әкім қайтып оралып, жастармен 2 сағатқа жуық кездесу жасаған. Үлкендердің тыйымынан құтылған жастар нақты ұсыныс-пікірлерін, не істеуге болатынын, билік тек қолдау білдірсе, миллиардтаған доллар инвестиция әкелуден бастап, елге барып, жер алып, мал бағып кетуге де даяр екендерін таласа айтқан.
Оның айтуынша, жаңадан ашылып жатқан Ұлытау облысының әкімдігі Ұлттық экономика министрлігіне Қостанай облысына қарасты Жангелдин, Амангелді аудандары мен Арқалық қаласын өздеріне қосу жөнінде хат жазған. Кеше соны алға тартқанда, Қостанай облысының әкімі «Бұл енді ойланатын ұсыныс» деп елп ете қалыпты.
Тағы оқи отырыңыз: Қалың киінген Мұхамбетов Арқалықтың қыздарын қалтыратып қойыпты «Кока коланың қақпағынан ұтып алуға болады ғой…»: Мұхамбетов тағы сыналды