Алматы қаласы полиция департаментінің жедел-тергеу тобы пәтерінен өлі күйінде табылған қала тұрғынының өліміне қатысты мән-жайларды анықтап жатыр, деп хабарлайды turkystan.kz.
Полицияның мәліметінше, Әуезов ауданындағы «Жетісу» шағынауданындағы пәтерлердің бірінен 33 жастағы жергілікті тұрғынның денесі табылған. Алдын ала болжам бойынша, ер адам өзіне-өзі қол жұмсаған.
«Оқиға орнына жедел-тергеу тобы дереу келді. Қажетті тергеу амалдары жүргізіліп, болған жағдайдың барлық мән-жайы анықталып жатыр», — деп хабарлады полиция.
Алдын ала анықталғандай, ер адам соңғы бірнеше айда өмірінде қиын кезеңді бастан өткерген.
«Қазіргі уақытта мамандар оның өмір салтын, араласқан адамдар ортасын және болған оқиғаға қатысы болуы мүмкін басқа да ықтимал мән-жайларды зерттеп жатыр», — деп толықтырды ведомство.
Тергеу нәтижесінде болған оқиғаның толық мән-жайы анықталады.