HuffPost басылымына берген сұхбатында жалпы практика дәрігері Хуссейн Ахмад күндізгі серуеннің ағзаға ерекше пайдалы екенін мәлімдеді. Оның айтуынша, сағат 11:00 мен 15:00 аралығында таза ауада жүру циркадтық ырғақтарды қалпына келтіруге көмектеседі, деп хабарлайды turkystan.kz.
Маман түсіндіргендей, дәл осы уақытта күн сәулесі ағзаның ішкі «биологиялық сағатын» реттеуге ықпал етеді. Бұл ұйқы мен сергектік режимін қалыпқа келтіріп, кешке тезірек ұйықтауға және түнгі ұйқының сапасын арттыруға мүмкіндік береді.
Ахмадтың сөзінше, әр серуенде міндетті түрде 10 мың қадам жасау шарт емес. Қазіргі ұсынымдарға сәйкес, аптасына шамамен 150 минут орташа қарқындағы белсенділік жеткілікті. Мысалы, аптасына бес күн 30 минуттан жылдам жүру жүрек-қан тамыр аурулары қаупін төмендетуге, салмақты бақылауға және көңіл күйді жақсартуға көмектеседі.
Дәрігер сондай-ақ жаяу жүру ұйқы мен зат алмасуды реттейтін биологиялық сигналдардың бөлінуін ынталандыратынын атап өтті. Әсіресе отырықшы өмір салтын ұстанатын адамдар үшін күн сайынғы жарты сағаттық серуен – күрделі жаттығуларсыз және дәрі-дәрмексіз-ақ денсаулықты жақсартудың қарапайым тәсілі.