1930 жылдары халық арасында «темір Нарком» атанған Т.Жүргеновтің құнды мақалалары мен очерктері, кітаптарынан үзінділер берілген.
«Темірбек Жүргеновтің әдеби-публицистикалық мұрасы» атты бұл еңбек әл-Фараби атындағы Қазақ ұлттық университеті Ғылыми кеңесінің шешімімен баспаға ұсынылған болатын.
Бұл – Қазақстан Журналистер одағының мүшесі, Жалағаш ауданының құрметті азаматы, зерттеуші-ғалым Бауыржан Сәбитұлының қайраткер-қаламгер Т.Жүргенов туралы жазған бесінші кітабы. Ол бұған дейін Ағарту комиссарының әдеби-публицистикалық мұрасын зерттеп, ҚР ҰҒА академигі Зейнолла Қабдоловтың жетекшілігімен кандидаттық диссертация қорғағанын да айта кеткен жөн.
А.Темірболат,
филология ғылымдарының докторы,
академик