Сурдлимпиада ойындары: Қазақстан құрамасы шахматтан қола жүлде алды
Сурдлимпиада ойындары Түркияның Эрзурум қаласында 2-12 наурыз аралығында өтті.
XX қысқы Сурдлимпиада ойындарында Қазақстан ерлер құрама командасы классикалық шахматтан 10 ұпай жинап, қола медальға ие болды.
Аталған жарыста алтын жүлдені 12 ұпай жинаған Хорватияның спортшылары жеңіп алса, күміс медаль 11 ұпай жинаған Польша командасына бұйырды.
Ұлттық құрама сапында Сұлтан Қожахметов, Самажан Кеттебеков, Максим Рожков, Амангелді Наурызғалиев, Мейірман Пернеев және Виктор Максименко ойнады.
Айта кетсек, XX қысқы Сурдлимпиада ойындары Түркияның Эрзурум қаласында 2-12 наурыз аралығында өтті. Жарысқа Қазақстан тарапынан 26 спортшы шахматтан, сноубордтан және шаңғы жарысынан қатысты.