Астанада жоқ пәтерлерді жалға берген тұрғын ұсталды
Алаяқтың арбауына тұрғын үйді тәулік бойы жалға алатын қала сыртынан келген азаматтар алданған.
Астанада жоқ пәтерлерді жалға берген тұрғын құрықталды, деп хабарлады turkystan.kz.
Жедел-іздестіру іс-шараларын өткізу барысында Алматы ауданының полицейлері жылжымайтын мүлікпен байланысты алаяқтыққа қатысы бар Павлодар қаласының 31 жастағы тұрғынын анықтады.
2023 жылдың қараша айынан бастап әйел сайтында жылжымайтын мүлікті жалға беру туралы жалған хабарландырулар жариялаған.
Мәселен, полицияға пәтер жалдағаны үшін бейтаныс әйелге 123 мың теңге аударған Алматы тұрғыны жүгінген.
Қазіргі уақытта полицияға 11 азамат арызбен жүгінген. Аталған фактіге қатысты алаяқтық бабы бойынша сотқа дейінгі тергеу амалдары жүргізілуде. Қазіргі уақытта қалған жәбірленушілер анықталып жатыр.