Астанада Ақмола облысының ауыл шаруашылығы жәрмеңкесі өтеді

Жәрмеңке Тұран даңғылы 48 мекен-жайында, «Астана Арена» стадионының жанындағы алаңда өтеді.

28 және 29 қазанда Астанада Ақмола облысының тауар өндірушілерінің қатысуымен кезекті ауыл шаруашылығы жәрмеңкесі өтеді, деп хабарлады turkystan.kz елорда әкімдігінің сайтына сілтеме жасап. Бұл жолы жәрмеңке Тұран даңғылы 48 мекен-жайында, «Астана Арена» стадионының жанындағы алаңда өтеді. Жәрмеңкеге 100 Ауыл шаруашылығы тауарын өндірушілер мен қайта өңдеу кәсіпорындары қатысады. Елорда қонақтары мен тұрғындарына келесі өнімдер ұсынылады: Ет және шұжық өнімдері - 100 тонна;

Картоп пен көкөністер - 50 тонна;

Сүт өнімдері - 20 тонна;

Жұмыртқа - 400 мың дана.;

Балық - 2 тонна;

Ұн және макарон - 25 тонна. Жәрмеңке өнімдерінің бағасы дәстүрлі түрде нарықтық бағадан төмен болады. Өнімнің жалпы көлемі 300 тоннадан асады. Ауыл шаруашылығы өнімі бар автокеруеннің Астанаға шығуы 27 қазанда жоспарлануда.