«پرەزيدەنت ۇسىنعان كەشەندى رەفورما ناتيجەلى ورىندالۋى ءتيىس» – امانجول ءالتاي

ءماجىلىس دەپۋتاتى امانجول ءالتاي 5 ماۋسىمدا وتكەن رەفەرەندۋمعا بايلانىستى پىكىر ءبىلدىرى دەپ حابارلادى turkystan.kz.

«جالپىۇلتتىق رەفەرەندۋم دەموكراتيا تالاپتارىنا ساي، جوعارعى دەڭگەيدە ءوتتى. حالقىمىز ساياسي جۇيەنىڭ وزگەرۋى ءۇشىن كونستيتۋتسيالىق رەفورمانىڭ ماڭىزدىلىعىن تەرەڭ سەزىنىپ، ءوز تاڭداۋلارىن جاسادى. ادىلەتتى قوعام ورناتۋ ورتاق ماقساتىمىز!» – دەدى دەپۋتات.

ول حالىقتىڭ ساياسي بەلسەندىلىگى كۇن سايىن ارتىپ كەلە جاتقانىن ايتتى.

«ەندىگى جەردە ولاردىڭ تالاپ-تىلەگىن، ۇسىنىستارىن ورىنداۋعا بيلىك ينستيتۋتتارى بىرلەسە كۇش سالۋى ءتيىس. ەل تاراپىنان كورسەتىلگەن سەنىم مەن ءۇمىت ناقتى ناتيجەلەر ارقىلى قاناعاتتاندىرىلۋى كەرەك. بيلىك پەن حالىق اراسىندا ديالوگ قالىپتاستىرۋ ماڭىزدى. اتا زاڭعا دەگەن ەل قۇرمەتى مەن سەنىمى ارتا ءتۇسسىن. ۇكىمەتتىڭ دە، پارلامەنتتىڭ دە، قۇقىق سالاسىنىڭ دا بىرلەسىپ اتقارار جۇمىسى كوپ. پرەزيدەنت ۇسىنعان كەشەندى رەفورما ناتيجەلى ورىندالۋى ءتيىس. بىرلىگىمىزدى، ەلدىگىمىزدى كورسەتكەن، تاعدىرشەشتى ماڭىزعا يە رەفەرەندۋمنىڭ ءساتتى وتۋىمەن بارشا وتانداستارىمدى قۇتتىقتايمىن! مەملەكەتىمىز مەرەيلى، بىرلىگىمىز بەكەم بولسىن! جاڭا قازاقستاننىڭ شاڭىراعى بيىك، ىرگەسى بەرىك بولسىن!» دەپ جازدى امانجول ءالتاي الەۋمەتتىك جەلىدە.

ۇقساس جاڭالىقتار

Back to top button