تاۋەلسىزدىك – 30

21 قىركۇيەكتە قانداي ماڭىزدى وقيعالار بولدى؟

1993 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ گفر-عا رەسمي ساپارمەن باردى. سول كۇنى ن.ءا.نازارباەۆ گفر فەدەرالدى پرەزيدەنتى ريحارد فون ۆايتسزەككەرمەن، ەكونوميكا ءمينيسترى يۋرگەن مەللەمانمەن، ءحدو/حاو پارلامەنتتىك فراكتسياسى توراعاسىنىڭ ءبىرىنشى ورىنباسارى ۆولفگانگ بەچپەن، دويچە بانك باسقارما مۇشەسى گەرحارد كرۋپپەن، سيمەنس اگ كونتسەرنىنىڭ باسقارما مۇشەسى پەتەر فون سيمەنسپەن كەزدەستى.

1993 جىلى قازاقستان رەسپۋبليكاسى مەن البانيا رەسپۋبليكاسى اراسىنداعى ديپلوماتيالىق قارىم-قاتىناستاردى ورناتۋ تۋرالى نوتا الماسۋ ءوتتى.

1994 جىلى قازاقستان رەسپۋبليكاسى پرەزيدەنتىنىڭ جارلىعىمەن مەملەكەتتiك وكiمەت جانە باسقارۋ ورگاندارىنىڭ سىبايلاس جەمقورلىق پەن ۇيىمداسقان قىلمىسقا قارسى كۇرەس جونiندەگi قىزمەتiنiڭ تيiمدiلiگiن ارتتىرۋ جانە ونى ۇيلەستiرۋ، سونداي-اق مەملەكەتتiك ورگاندار لاۋازىمدى ادامدارىنىڭ قۇقىققا قارسى iس-ارەكەت جاساعانى ءۇشiن جاۋاپكەرشiلiگiنiڭ شۇباسiزدiگiن قامتاماسىز ەتۋ ماقساتىندا سىبايلاس جەمقورلىق پەن ۇيىمداسقان قىلمىسقا قارسى كۇرەس جونiندەگi رەسپۋبليكالىق كوميسسيا قۇرىلدى.

1995 جىلى ۋكراينا استاناسى كيەۆتە ابايدىڭ 150 جىلدىعىنا ارنالعان مەرەكەلىك شارالار بولىپ ءوتتى.

سونداي-اق 2006 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ پەن رەسەي فەدەراتسياسىنىڭ پرەزيدەنتى ۆلاديمير پۋتين ماسكەۋدەگى چيستوپرۋدنىي بۋلۆارىندا قازاقتىڭ ويشىل اقىنى اباي قۇنانباەۆتىڭ ەسكەرتكىشىن اشقان.

1997 جىلى قر پرەزيدەنتى نۇرسۇلتان نازارباەۆ ءوزىنىڭ رەزيدەنتسياسىندا رەسمي ساپارمەن كەلگەن ۋكراينا پرەزيدەنتى لەونيد كۋچمامەن كەزدەستى. ن.نازارباەۆ پەن ل.كۋچما قازاقستان رەسپۋبليكاسى مەن ۋكراينا اراسىنداعى ەكونوميكالىق ىنتىماقتاستىقتى ودان ءارى دامىتۋ تۋرالى كەلىسىم مەن بىرلەسكەن كومميۋنيكەگە قول قويدى.

2001 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ قازاقستان-ۆاتيكان قارىم-قاتىناستارىن دامىتۋعا قوسقان ەلەۋلى ۇلەسى، ەكى مەملەكەت اراسىنداعى سان تاراپتى بايلانىستاردى ورناتۋعا تيگىزگەن ىقپالى ءۇشىن ۆاتيكاننىڭ مەملەكەتتىك حاتشىسى اندجەلو سودانونى ءى دارەجەلى دوستىق وردەنىمەن ماراپاتتاۋ تۋرالى جارلىققا قول قويدى.

2005 جىلى قازاقستان رەسپۋبليكاسى قارجى مينيسترلىگىنىڭ قازىنا كوميتەتى الەمنىڭ ەڭ جوعارى سىيلىعى – اقپاراتتىق تەحنولوگيالار سالاسىنداعى ەرەكشە ينتەگرالدى اقپاراتتىق جۇيەنى ەنگىزگەنى ءۇشىن مەملەكەتتىك جانە كوممەرتسيالىق ەمەس ۇيىمدار ساناتىنىڭ The Computerworld Honors حالىقارالىق باعدارلامالار سەرتيفيكاتىمەن ماراپاتتالدى.

2005 جىلى قازاقستان رەسپۋبليكاسىنداعى ۇلتتىق تۇرىك مادەنيەت ورتالىعىنىڭ وكىلى زياتدين قاسانوۆ كوپ ۇلتتى ەلدە ۇلتارالىق بىرلىك پەن كەلىسىمدى نىعايتقانى جانە يۋنەسكو-نىڭ وسى سالاداعى ستراتەگيالارىنا بەلسەندى قولداۋ كورسەتكەنى ءۇشىن التىن قىران قۇرمەت بەلگىسىمەن ماراپاتتالدى.

سىيلىقتى ورتالىق جەتەكشىسىنە ەۋروپالىق كوميسسيانىڭ مۇشەسى كيم سەن تاپسىردى. سونىمەن قوسا وعان ازيا – ودنا سەميا حالىقارالىق قايىرىمدىلىق قاۋىمداستىعىنىڭ جانە ەۋروپالىق ۋنيۆەرسيتەتىنىڭ قۇرمەتتى عىلىم دوكتورىنىڭ ديپلومى تاپسىرىلدى.

2005 جىلى الماتىنىڭ ورتالىق كورمە زالىندا دينوزاۆرلاردىڭ قايتىپ ورالۋى اتتى كورمە اشىلدى.

كورمەگە دينوزاۆرلاردىڭ تابىلعان سۇيەكتەرىنەن عىلىمي تالداۋ نەگىزىندە جاسالعان روبوتتاندىرىلعان ماكەتتەر قويىلعان. زاماناۋي كومپيۋتەرلىك باعدارلامالاردىڭ كومەگىمەن پالەونتولوگيالىق زەرتتەۋلەردىڭ قورىتىندىسى نەگىزىندە دينازاۆرلاردىڭ سىرتقى كەلبەتى، تەرىسى قالپىنا كەلتىرىلدى.

كورمەنىڭ نەگىزگى ەرەكشەلىگىنىڭ ءبىرى – 400 ميلليون جىل بۇرىننان قازىرگى كۇنگە دەيىنگى جەر بەتىندەگى تىرشىلىكتىڭ كەزەڭدەرى كورسەتىلگەن.

2009 جىلى اتىراۋدا ەۋروپا قاۋىپسىزدىك جانە ىنتىماقتاستىق ۇيىمىنىڭ كاسپي ايماقتىق ورحۋس ورتالىعىن قۇرۋ جونىندەگى مەموراندۋمعا قول قويىلدى.

بۇل قۇجاتقا قازاقستان رەسپۋبليكاسى قورشاعان ورتانى قورعاۋ مينيسترلىگىنىڭ، وبلىس اكىمدىگىنىڭ، ەقىۇ-نىڭ استاناداعى ورتالىعىنىڭ جانە رەسپۋبليكانىڭ ۇكىمەتتىك ەمەس ۇيىمدارى ەكولوگيالىق فورۋمىنىڭ وكىلدەرى قول قويدى. بۇل رەسپۋبليكامىزداعى ايماقتا قۇرىلعان العاشقى ورحۋس ورتالىعى.

2010 جىلى استاناداعى كونگرەسس-حوللدا مەملەكەتتىك ءتىلدى مەڭگەرگەن ءتۇرلى ۇلت وكىلدەرىنىڭ ءتىلى ءبىردىڭ تىلەگى ءبىر اتتى جالپى رەسپۋبليكالىق فورۋمى ءوتتى.

2011 جىلى قازاقستان تاۋەلسىزدىگىنىڭ 20 جىلدىعى اياسىندا قر ۇلتتىق بانكى مەنىڭ قازاقستانىم تاقىرىبىندا ۇزدىك مونەتا ديزاينىنا بايقاۋ جاريالادى.

2011 جىلى مەملەكەت باسشىسى فرانتسيانىڭ جەتەكشى تالداۋ جۋرنالدارىنىڭ ءبىرى L’ESSENTIEL des Relations Internationales-كە سۇحبات بەردى. بەدەلدى باسىلىمنىڭ سۇراقتارىنا جاۋاپ بەرگەن پرەزيدەنت قازاقستاننىڭ دامۋى، ىشكى ساياسي تۇراقتىلىقتىڭ قۇپياسى، ەلدىڭ حالىقارالىق ارەناداعى باسىمدىقتارى جايلى اڭگىمەلەدى.

2011 جىلى نيۋ-يوركتە بىرىككەن ۇلتتار ۇيىمى باس اسسامبلەياسىنىڭ 66-سەسسياسى ءوز جۇمىسىن باستادى. وعان قازاقستان پرەزيدەنتى نۇرسۇلتان نازارباەۆ قاتىستى.

2011 جىلى مەملەكەت باسشىسى ن. نازارباەۆتىڭ نيۋ-يورككە جۇمىس ساپارى اياسىندا ەكسون موبيل كورپوراتسياسى ديرەكتورلار كەڭەسىنىڭ توراعاسى رەكس تيللەرسونمەن كەزدەستى.

كەزدەسۋدە ينۆەستيتسيالىق ىنتىماقتاستىقتى نىعايتۋ، اقش كومپانيالارىنىڭ قازاقستاندىق جوبالاردى ىسكە اسىرۋعا قاتىسۋىن كەڭەيتۋ ماسەلەلەرى تالقىلاندى.

2012 جىلى مادريدتە قازاقستان جانە كينو: 1970-2011 تسيكلى اشىلدى، ونىڭ اياسىندا قازاقستاندىق رەجيسسەرلەردىڭ جۇمىسى كورسەتىلدى.

تسيكلگە قىزعالداق، قىز جىبەك، كوشپەندىلەر، مۇستافا شوقاي، قوش بول، گۇلسارى جانە ت.ب. كىردى.

2014 جىلى لوندوندا قازاقستاندىق جاسىل ەكونوميكا ءۇشىن كواليتسيانىڭ بريتاندىق وكىلدىگى اشىلدى. ونىڭ باستى ماقساتى – قازاقستاندا ەكولوگيالىق جوبالاردى جۇزەگە اسىرۋ ءۇشىن شەتەلدىك بيزنەس پەن ينۆەستيتسيا تارتۋ.

2014 جىلى باتىس قازاقستان وبلىسى تەرەكتى اۋدانى اۋماعىنداعى تاقساي قورعانىنان 2012 جىلى اقسۇيەك ايەلدىڭ قابىرى تابىلعان بولاتىن. ونىڭ بەينەسى قالپىنا كەلتىرىلىپ، التىن حانشايىم دەپ اتالعان كورمە باتىس قازاقستان وبلىستىق تاريحي-ولكەتانۋ مۋزەيىنە قويىلدى. سونىمەن قاتار، كورمەدەن ءبىزدىڭ داۋىرىمىزگە دەيىنگى VI-V عاسىرلارعا جاتاتىن اقسۇيەك ايەلدىڭ اسا قۇندى اشەكەيلەرى جانە تۇرمىستىق بۇيىمدارى دا ورىن تاپتى.

2015 جىلى ەلباسى نۇرسۇلتان نازارباەۆ قازاقستانعا جۇمىس ساپارىمەن كەلگەن رۋاندا رەسپۋبليكاسىنىڭ پرەزيدەنتى پول كاگامەمەن كەزدەستى. كەزدەسۋ بارىسىندا ەكىجاقتى ساۋدا-ەكونوميكالىق ىنتىماقتاستىقتى دامىتۋ پەرسپەكتيۆالارى مەن كۇن تارتىبىندەگى بارىنشا وزەكتى حالىقارالىق ماسەلەلەر تالقىلاندى.

Back to top button