فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

قازىر تۇركىستان وتە قارقىندى دامىپ كەلە جاتىر. تۇركىستان اتاۋى ءتۇر­كى حالىقتارىنىڭ ءىلىم-ءبىلىم، رۋحاني باعدارشامى عانا ەمەس، ما­تەريالدىق تۇرعىدا دا برەندكە اينالىپ كەلەدى. وسى اتاۋمەن شەتەلدەن شى­عاتىن كيىمدەر كوللەكتسياسى دا ۇلكەن سۇرانىسقا يە. سوڭعى ۋاقىتتا ءجيى جارنامالانىپ جۇرگەن «تۇركىستان» ەتنوستيلىندەگى كيىمدەر كول­لەك­تسياسىن ازىرلەۋشى ءمادي سىپاتاەۆ – Marino Madi ءساندى كيىمدەر برەندىنىڭ نەگىزىن قالاعان سانگەر. ول تىككەن كيىمدەردى قازاقستاندىقتاردان بولەك، ەۋروپالىقتار، اسىرەسە فرانتسۋزدار كوپتەپ ساتىپ الادى. ءتىپتى، «تۇركىستان» كوللەكتسياسىنداعى كيىمدەردى موناكو پرەمەر-ءمينيسترىنىڭ ءوزى ۇناتىپ، ساتىپ العان. قازىر فرانتسيانىڭ نيتستسا قالاسىندا تۇراتىن ءمادي الداعى ۋاقىتتا قازاقستاندا دۇكەندەر مەن ءوندىرىس ورىندارىن اشقىسى كەلەدى. وتكەن اپتادا الماتىعا جۇمىس بابىمەن كەلگەن وعان حابارلاسىپ، اڭگى­مە­لەسكەن ەدىك.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى
جۇمىس بارىسىندا

– ءسان الەمىنە بەت بۇرعانعا دەيىن قۇ­رى­لىس سالاسىندا جۇمىس ىستەپسىز. بىلۋىمشە، ديزاينەردىڭ وقۋىن وقى­ماپ­سىز. دەسەك تە شەتەلدە جەكە برەندىڭىزدى ءساتتى دامىتىپ وتىرعانىڭىزعا قاراپ، دي­زاينەر ديپلومىڭىز بولماسا دا، بالا كەز­دەن اۋەسقوي ديزاينەر بولىپ، تال­عا­مىڭىز قالىپتاسقان بولار دەپ وي ءتۇيىپ وتىرمىن. سولاي ما؟

– ءدال سولاي. نەگىزى، مەن الماتىدا ما­تە­ماتيكتەر جانۇياسىندا دۇنيەگە كەلدىم. سول سەبەپتى جاستايىمنان ەسەپ-قيساپقا اۋەس بو­لىپ، رەسپۋبليكالىق فيزيكا-ماتەماتيكا مەك­تەبىندە وقىدىم، كەيىننەن الماتى مەم­لەكەتتىك ۋنيۆەرسيتەتىندە قارجىگەر ما­ماندىعى بويىنشا ءبىلىم الدىم. ەڭبەك جو­لىمدى الماتىدا شاي ساتۋمەن اينالىساتىن فيرمادان باستادىم، وندا ءبىر جارىم جىلداي جەتكىزۋشى مەنەدجەر بولىپ جۇمىس ىستەدىم. سوسىن «سترويكومپلەكت» قۇرىلىس فير­ما­سى­نا جۇمىسقا تۇرىپ، وندا مەنەدجەردەن ديرەك­تور­دىڭ ورىنباسارى لاۋازىمىنا دەيىن كوتە­رىلدىم. ول جەردە بەس جىل جۇمىس ىستەگەن سوڭ، جەكە كاسىپپەن اينالىسۋدى ۇيعاردىم. ءسويتىپ، 2003 جىلى «اديانا گرۋپپ» قۇرىلىس فير­ماسىن اشىپ، سپورت عيماراتتارىن سالۋ، قۇرىلىس تەحنيكالارىن ساتۋ جانە دەكو­را­تيۆتى ماتەريالدار جاساۋمەن اينالىستىم. كوم­پانيانىڭ قازاقستان بويىنشا في­ليال­دارى اشىلدى، جاڭىلىسپاسام، قاراما­عى­مىز­دا ءجۇز ەلۋگە جۋىق ادام ەڭبەك ەتتى. نەگىزى، دي­­­زاينەردىڭ وقۋىن وقىماسام دا، بۇل سالاعا بالا كەزدەن قىزىققانىم راس. ءتىپتى، مەكتەپتە باس­تاۋىش سىنىپتان باستاپ ەرەكشە كيىنگەندى ۇناتاتىنمىن. ءتۇرلى شاش ۇلگىسىن جاساپ، نەبىر اشەكەيلەر تاعىپ جۇرەتىنىمە سىنىپتاستارىم كۋا. ەسەيە كەلە مۇنىمەن كاسىبي تۇردە اي­نا­لىسايىن دەسەم، بىردە قول تيمەسە، بىردە قارا­جات جەتپەيتىن. ءسويتىپ، نيتستساعا قونىس اۋ­دار­عالى بەرى ءوز تالعامىما سۇيەنىپ، ءتۇرلى كيىم­دەر تىگۋدى قولعا الدىم.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

– ادەتتە ديزاينەرلەر ءسان الەمىنىڭ اس­تاناسى – پاريجدە جۇمىس ىستەۋدى ماق­سات تۇتادى. ال ءسىزدىڭ ءدال نيتستسا قالا­سى­نا تۇراقتاۋىڭىزعا نە سەبەپ؟

–«سترويكومپلەكتتە» جۇمىس ىستەپ ءجۇر­گەندە ومىرىمدە ءبىرىنشى رەت ۇشاققا ءمىنىپ، نيتس­تسا قالاسىنا ىسساپارعا باردىم. باس­شى­لىق بوياۋ تۇرلەرىن زەرتتەپ، قايسىسى ءتيىمدى ەكە­نىن ءبىلۋ ماقساتىندا مەنى ارنايى سوندا ءجى­بەرگەن بولاتىن. ول كەزدە جيىرما جاس­تا­مىن. شەتەلگە ءبىرىنشى رەت شىعىپ تۇرعان سوڭ، نيتستسا قالاسى كوڭىلىمە وتە جاقتى. كەيىن جەكە كاسىبىمدى اشقان سوڭ، ەۋروپا، ورتا ازيا ەلدەرى مەن قىتايدى كوپ ارالادىم. بىراق الەم­نىڭ ەشبىر قالاسى نيتستسا سەكىلدى اسەر قال­دىرمادى. كەيىن دەكوراتيۆتى بۇيىمدار ءازىر­لەۋ ىسىنە كوپ كوڭىل ءبولىپ، ناتيجەسىندە ءماس­كەۋ، پراگا قالالارىندا فيليالدار اش­تىق. ەۋروپا نارىعىنا شىققان سوڭ، مۇنىمەن تىڭعىلىقتى اينالىسۋ ماقساتىندا پراگاعا كوشتىم. سول كەزدە نيتستساعا جۇمىسپەن ءجيى با­­رىپ تۇراتىنمىن. سوسىن وتباسىممەن اقىل­­­داسا كەلە، جوعارىدا ايتىپ وتكەنىمدەي، بۇل قالا ماعان قاتتى ۇناعاندىقتان، 2014 جى­لى كاسىبىمدى ءدال وسى نيتستسادا جۇرگىزۋدى ۇيعاردىم. ءسويتىپ، 2015 جىلى بۇعان دەيىن اينالىسقان بارلىق كاسىپتى قويىپ، Marino Madi دەگەن ساۋدا ماركاسىمەن جەكە فيرما اش­تىم. 2016 جىلى العاش رەت كوللەكتسيا ءازىر­لەپ شىعاردىق.

ء–سان يندۋسترياسىنداعى قادا­مىڭىزدى تەڭىز ستيلىندەگى كيىمدەر تىگۋ­دەن باستاعان ءسىز سوڭعى كەزدە قازاقى نا­قىشتاعى كيىمدەر كوللەكتسياسىن كوپ­تەپ شىعارىپ ءجۇرسىز. ەلدەن بىرەۋ قول­قا سالدى ما، الدە ءوزىڭىز ارنايى ءازىر­لەدىڭىز بە؟

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

– ءيا، ءاۋ باستا تەك تەڭىز ستيلىندەگى كيىم­دەردى تىگۋمەن اينالىستىم. جالپى، ءوزىم تەڭىز­دى جاقسى كورەمىن. كىشكەنە كەزىمدە جيۋل ۆەرننىڭ كىتاپتارىن وقىپ، تەڭىزشىلەر مەن ساياحاتشىلار تۋرالى مالىمەت ءبىلىپ، ولاردىڭ كيىمدەرىن ەلەستەتەتىنمىن. كيىم تىگۋدى شىنداپ قولعا العان ۋاقىتتا نيتستسا قا­لاسىنا كوشكەنىم بار، ونىڭ ۇستىنە بۇل قالا تەڭىز جاعالاۋىندا ورنالاسقان، ءسويتىپ، تەڭىز شابىتىما شابىت قوسىپ، بارلىعى ءدوپ كەلە قالدى. ءتىپتى، ءبىزدىڭ برەندتىڭ اتاۋىن دا تەڭىزبەن بايلانىستىرىپ قويدىم. Marino دەگەن ءسوز فرانتسۋز تىلىنەن اۋدارعاندا پورت دەگەن ماعىنانى بىلدىرەدى. كوپ ۇزاماي ءوزىم قازاقستان ءۇشىن ارنايى كوللەكتسيا ازىرلەگىم كەل­دى، ءسويتىپ باستاپقىدا قازاق ەلى جانە Caspian Navy Forces دەگەن اتپەن ميني­كوللەك­تسيا ازىرلەدىك. بۇل كيىمدەر ەلدە قىسقا مەرزىم ىشىندە ساتىلىپ كەتتى. ادەپكىدە بۇل كول­لەكتسيالارىمىز وسىنشالىقتى سۇرا­نىسقا يە بولادى دەپ ويلامادىق. نەگىزى ءار­مەن قاراي تەك تەڭىز ستيلىندەگى كيىمدەردى تىگە بەرەمىن دەپ ويلاعانمىن. بىراق ەلدەگى دۇكەن يەلەرى «قازاقستان ءۇشىن تاعى دا كول­لەكتسيا ازىرلەپ شىعارساڭشى» دەپ ۇسىنىس ءبىلدىردى. ءسويتىپ، Limited edition نۇسقاسىمەن قازاق­ستان­دىق­تارعا ارنالعان كوللەكتسيانى تۇراق­تى تۇردە شىعارا باستادىق. سوسىن 2018 جىلى بۇل تاۋار­لاردى ەۋروپا نارى­عىنا شىعارۋ قادامى ءوز جەمىسىن بەردى، ويتكەنى ەۋ­روپا­دا قازاق­تار كوپ تۇرا­دى، ءارى ەۋرو­پا­لىقتار دا قازاقى نا­قىش­تاعى كيىمدەرگە قى­زىعادى.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى
«تۇركىستان» كوللەكتسياسى

–قازىر كوللەك­تسياڭىز­داعى «ءتۇر­كىستان» ەتنوستي­لىن­دە­گى كيىمدەر ۇلكەن سۇرانىسقا يە ەكەنى بەلگىلى. مۇنداي ستيل­دەگى كيىمدەر تىگۋ يدەياسى قاي­دان تۋىندادى؟

–نەگىزى، بۇل جايىن­دا 2019 جى­لى ويلانا باستا­دىم. پرينت ار­قىلى ازىرلەنەتىن كيىم ۇلگىسىن بۇ­رىن­نان جاسا­عىم كەلىپ ءجۇر­گەن. دەسەك تە كيىم­­­دەردى قازاقتىڭ ويۋ-ءور­نەكتەرىمەن بەزەندىرگىم كەلگەن جوق. ويتكەنى مۇنداي كيىمدەر ەۋروپالىقتارعا شەكتەن تىس ەتنيكالىق سيپاتقا يە بولىپ كورىنەدى. ءارى مۇنى بەلگىلى ءبىر ءىس-شاراعا عانا كيىپ بارماساڭ، كوشەدە كيىپ جۇرە المايسىڭ. قازاقستاندا مۇنداي كيىمدەر سۇرانىستا بولعانىمەن، كەڭسەدە قىزمەت ەتەتىندەر مۇنى جۇمىسقا كيە المايدى. سول سەبەپتى قازاق­ستانعا قاتىسى بار ەكەنىن بىلدىرەتىن، بىراق تىم ارتىق كەتپەيتىن پرينت ىزدەستىرە باستا­دىم. بىردە تۇركىستانداعى قوجا احمەت ياساۋي كە­سەنەسىنىڭ موزايكاسىن كورگەندە وسى ستيل­دە كيىم تىگۋ يدەياسى پايدا بولدى.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

ءبىرىنشى توپتامانى سىناق رەتىندە جاساپ كوردىم. العا­شىندا كەسەنەنىڭ سىرتىندا قاشالعان ءور­نەك ىشىندەگى جازۋلاردىڭ نە ماعىنا ءبىل­دىرەتىنىنەن حابارىمىز از بولدى. سوسىن ءدىن سالاسىندا جۇرگەندەر بۇل موزايكانىڭ ىشىندە كۋفي شريفتىمەن اللانىڭ اتى جازۋلى تۇر­عانىن ايتتى. ولار مۇنداي ستيلدە كيىم تىگۋ­گە بولاتىنىن، بىراق بۇل كيىممەن دارەت­حانا­عا كىرۋگە بولمايتىنىن ايتىپ ءتۇسىندىردى. سوسىن ەكىنشى توپتاما شىققان كەزدە ول جازۋدىڭ ورنىنا ساۋدا ماركامىزدىڭ اتاۋىن قويىپ شىعارۋدى ءجون سانادىق. ءسويتىپ، «تۇركىستان» از ۋاقىتتىڭ ىشىندە فۋتبولكادان بولەك، پيدجاك، سپورتتىق كيىم، كۇرتكەسى بار ۇلكەن كوللەكتسياعا اينالدى. جالپى، بۇل كوللەكتسياداعى كيىمدەر قازاقستاننان بولەك، ەۋروپادا، اسىرەسە فرانتسيادا بىردەن ساتىلىپ كەتتى. ءتىپتى، فرانتسۋزدار «مىناۋ جاڭا ۇلگىدەگى كيىم عوي؟!» دەپ قىزىعا باستاپ، ءوندىرۋشىنىڭ كىم ەكەنىن سۇراستىرا باستادى. نەگىزىنەن، فرانتسۋزدار قازاقستاندىقتارعا قاراعاندا كيىمنىڭ ساۋدا ماركاسىنا ءمان بەرمەيدى. ولار ال­دىمەن ساپاسى مەن باعاسىنا قارايدى، كوڭىلىنە جاعىپ تۇرسا، ماركاسىنا قاراماي، ساتىپ الا بەرەدى. ال «تۇركىستان» كوللەكتسياسى سا­تىلىمعا جىبەرىلگەن سوڭ، «مىناداي ستيل­دەگى كيىمدى كىم تىگەدى؟» دەپ سۇرايتىندار كوپ بولدى. جالپى، فرانتسيادا كيىم تىگۋمەن اي­نالىساتىن برەندتەر كوپ. بۇل ەلگە ەۋروپا ەل­دەرى بىلاي تۇرسىن، مەكسيكا، افريكا، قى­تاي، وڭتۇستىك امەريكانىڭ ديزاينەرلەرى كيىم اكەلىپ ساتادى. برەندتەردىڭ كوپتىگىنەن ساتىپ الۋشىلار كيىمدى كىمنىڭ ازىرلەگەنىنە باس قاتىرمايدى. بىراق كۇتپەگەن جەردەن ءبىز جايىندا سۇراي باستاعان سوڭ، «قازاقستاننان بولامىز» دەپ ءتۇسىندىرىپ، جان-جاقتى اقپارات بەرە باستادىق.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

قازىر بۇل كوللەكتسياداعى كيىمدەردى ساتىپ الاتىن كليەنتتەردىڭ اراسىندا ۇلكەن شەندىلەر دە بار. مىسالى، مو­ناكو پرەمەر-ءمينيسترى سەرج تەل «ءتۇر­كىستان» كوللەكتسياسىنداعى كيىمدەردى ساتىپ الدى. مۇنداي ستيلدەگى كيىمدەردىڭ وزىنە ۇناعانىن ايتقان ول موناكو كنيازى البەر ەكىن­شىگە سىيلىق رەتىندە سىيلاۋعا بولا ما دەگەن ۇسىنىس ءبىلدىردى. ءسويتىپ، اتالعان كول­لەكتسيانىڭ تاريحىن، قازاقستانعا قاتىسى بار ەكەنىن حاتقا جازىپ، كومەكشىسى ارقىلى كنيازگە جولدادىق. نەگىزى، كوللەكتسيام ارقىلى قازاقستان تۋرالى اقپارات بەرۋىم كە­رەك ەكەنىن سەزەمىن. ءسان الەمىندە جۇرگەن سوڭ، قازاقستاندى قۇر سوزبەن سيپاتتاۋدان گورى، كيىم ارقىلى تانىتا الاتىن مۇمكىندىگىم مول. جالپى، ماقتانۋدى سۋقانىم سۇيمەيدى. الدەبىرەۋلەر «قازاقستاندى كيىم ارقىلى تانىتىپ ءجۇرسىڭ» دەپ ماقتاپ جاتسا، باسقا تاقىرىپقا اينالدىرىپ جىبەرەمىن. ويتكەنى بۇعان كوپ باسىمدىق جاساعىم كەلمەيدى. تەك شەتەلدىكتەردىڭ ءبىزدى جاپون، كارىس، قىتاي ازاماتىمەن شاتاستىراتىنى ۇنامايدى. مۇندايدا «ءبىز تۋرالى نەگە بىلمەيدى ەكەن؟» دەپ اشۋعا بەرىلەمىن. كوللەكتسيام ارقىلى ءسال بولسا دا قازاقستاندى تانىتۋدى كوزدەگە­نىم­نىڭ ءبىر سەبەبى دە – وسى.

– الەۋمەتتىك جەلىدەگى پاراقشاڭىزدا «الداعى ۋاقىتتا ءىت تەحنولوگيانىڭ بو­لا­شاعى زور ما، الدە فەشن يندۋستريادا قالعان دۇرىس پا، وسىعان باس قاتىرىپ ءجۇرمىن» دەپ جازىپسىز. سوندا كەلەشەكتە جۇمىسىڭىزدى ءىت سالاسىمەن بايلا­نىس­تىرماق ويىڭىز بار ما؟

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

– ءيا، بۇل ويدى ىشتەي ءپىسىرىپ، قورىتىپ ءجۇر­گەنىمە كوپ ۋاقىت بولدى. جاز كەزىندە سۋى­تاتىن، قىستا جىلىتاتىن، جارىق جا­نىپ تۇراتىن كيىمدەر ويلاپ شىعارۋدى ويل­اپ ءجۇرمىن. وعان قوسا، QR كود نەمەسە چيپ كومەگىمەن ۇيالى تەلەفون سەكىلدى بىرنەشە فۋنك­تسيانى اتقارا الاتىن كيىم تىگۋ دە ويدا بار. سونىمەن قاتار، اۋا رايىنا بايلانىستى نە­مەسە كيگەن كيىمگە بايلانىستى ءتۇسى ءوز­گە­رەتىن كيىم تىگۋ دە جوسپاردا بار. جالپى، 15-20 جىل­دان سوڭ كيىم ديزاينى وسى باعىتقا قا­راي اۋىسىپ، كوپشىلىك كرەمني القابىن­داعى ونەرتاپقىشتارمەن بايلانىس ورناتادى دەپ ويلايمىن. سوعان ەرتەرەك قامدانۋ ءۇشىن وسى باستان دايىندىق جاساۋ كەرەك. بۇل – فير­مانى دامىتۋدىڭ ءبىر جولى. ال ەكىنشى جو­لى – كلاسسيكالىق ءتاسىل بويىنشا پاريج­دە وتەتىن ءسان اپتالىقتارىنا قاتىسۋ، بەدەلدى سانگەرلەرمەن تانىسۋ، تانىمال جۋرنالدارعا جاريالانىمدار شىعارۋعا تىرىسۋ. دەسەك تە، ءسان الەمىنە ەندى-ەندى قادام باسىپ جاتقان­دىقتان، بولاشاعىمىز جارقىن بولاتىنىنا كامىل سەنەمىن. ءا دەگەندە بۇل سالاعا باس سۇق­قان ۋاقىتتا ءتىل بىلمەگەندىكتەن ءبىراز قينال­دىم. كيىم تىگۋگە قاجەتتى زاتتاردى قاي دۇكەن­نەن الارىمدى بىلمەي الەك بولعانمىن، ءتىپتى تاپسىرىس الۋدان بەيحابار بولعانمىن. وسى بەس جىل ىشىندە بۇل كاسىپتى دوڭگەلەتەمىز دەپ ازدى-كوپتى تاجىريبە جينادىم.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى
وتباسىمەن بىرگە

ەندىگى كەزەكتە بۇل ىسكە بايىپپەن قاراپ، ەۋروپالىق فيرما­لار­مەن باسەكەلەس، ولارمەن تەرەزەمىز تەڭ بولۋعا تىرىسىپ-باعۋدامىن. وتباسىلىق كا­سىپ بولعان سوڭ، الداعى ۋاقىتتا ۇلىم مەن قى­زىم بۇل ءىستى دوڭگەلەتۋگە اتسالىسادى دەپ وي­لايمىن. قازىر ون التى جاستاعى قىزىم دي­زاينەردىڭ وقۋىن وقىعىسى كەلەدى، ال ون ءتورت جاستاعى ۇلكەن ۇلىم بيزنەستى باسقارۋدى ۇيرەنگىسى كەلەدى. سوندىقتان ديزاين جانە مار­كە­تينگ ماماندىقتارىن ءوزىم وقىماسام دا، بولاشاقتا وسى سالالار بويىنشا ديپلو­مى بار بالالارىم كاسىبىمىزدى دامىتۋعا كو­مەك­تەسەدى دەپ سەنىپ وتىرمىن.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى
«تۇركىستان» كوللەكتسياسى

– بىلتىر سەنات توراعاسى قىزمەتىن ات­قارعان داريعا نازارباەۆانىڭ قاتى­سۋى­مەن وتكەن پارلامەنت وتىرىسىنا قاتىسىپ، جەڭىل ونەركاسىپتى دامىتۋعا قا­تىستى بىرنەشە ۇسىنىسىڭىزدى ايتقانىڭىز ەسى­مىزدە. سول كەزدە سەنات توراعاسى ايتقانىڭىزدى قولداپ، قازاقستاندىق انشىلەر مەن سپورتشىلارعا، اسىرەسە ديماش قۇدايبەرگەن ارقىلى وتاندىق ونىمدەردى جارنامالاۋعا اقشا مەن ۋاقىتتى اياماۋ كەرەك ەكەنىن ايتقان بولاتىن…

– نەگىزى، بۇل وتىرىسقا كەزدەيسوق شا­قىر­تىل­دىم. قازاقستان ءسان اپتالىعىنىڭ جەتەك­شىسى حابارلاسىپ، سەناتتا جەڭىل ونەركاسىپ ماسەلەلەرى تۋرالى وتىرىس بولاتىنىن، وعان دەپۋ­تاتتارمەن قاتار، كاسىپكەرلەر قاتى­ساتى­نىن ايتىپ، كاسىپكەرلىكپەن اينالىسىپ جۇرگەن تاجىريبەمە سۇيەنىپ وتىرىپ، ءوز ويىم­دى ورتاعا سالۋ تۋرالى ۇسىنىس ايتتى. ءدال سول ۋاقىتتا ەكى كۇننەن سوڭ ءوزىم دە جۇ­مىس بابىمەن الماتىعا بارعالى جاتقانمىن. ءسويتىپ، اۋەجايدان تۇسە سالا بىردەن سول وتى­رىسقا بارىپ قاتىستىم. بۇل وتىرىستا كوپ نارسەدەن حاباردار بولدىم. نەگىزى، مەن وعان دەيىن دە ەلىمىزدە جەڭىل ونەركاسىپ سالاسىندا ماسەلەلەر بار ەكەنىن بىلەتىنمىن، بىراق جاع­دايدىڭ سونشالىق ۋشىعىپ كەتكەنىن بىلمەپ­پىن. وسىعان وراي ونەركاسىپتىڭ بۇل ءتۇرىن قالاي كوتەرسەك بولادى دەپ ورتاعا ساۋال تاس­تا­عان داريعا نازارباەۆاعا الدىمەن دەپۋ­تاتتار، سوسىن كاسىپكەرلەر ءوز ۇسىنىستارىن ايتتى. كاسىپكەرلەردىڭ كوبى پروبلەمالىق جاعىن ايتقان سوڭ، دامۋ، جەتىلدىرۋگە قاتىستى جاعىمدى ويلار ايتقانىم دۇرىس بولار دەپ ويلادىم. سول كەزدە ەلدە جەڭىل ونەركاسىپتى دا­مىتۋ ابدەن مۇمكىن ەكەنىن، ول ءۇشىن مار­كەتينگ جۇرگىزۋ ماسەلەسىن رەتتەۋ ەكەنىن، ۇكى­مەت تەك قارجى جاعىنان ەمەس، سونداي-اق شەت­ەلدە وتەتىن كورمەلەرگە، ءتۇرلى ءىس-شارا­لار­عا قاتىسۋعا كومەكتەسۋ كەرەك ەكەنىن ايتتىم. بۇدان بولەك، وتاندىق وندىرۋشىلەر ازىرلەيتىن ءونىمدى ءوزىمىزدىڭ ارتىستەر مەن سپورتشىلار ارقىلى الەمگە تانىتۋعا بولاتىنىن ايتتىم. سول كەزدە داريعا نازارباەۆا بۇل ۇسىنىسىم­دى قولداپ، قازاقستان جۇلدىزدارى ءبىزدى قول­داۋعا ءازىر ەكەنىنە سەنىم بىلدىرگەن بولاتىن.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

– سول كەزدەسۋدە ديماش قۇدايبەرگەن ءجا­نە بىرقاتار سپورتشىمەن كوللابورا­تسيا ازىرلەپ جاتقانىڭىزدى ايتقان ەدىڭىز. بۇگىندە قازاق مادەنيەتىنىڭ ەلە­مەن­تى بار كيىمدەرىڭىزدى جارنامالاۋعا قا­زاقستاندىقتاردىڭ اراسىنان دي­ماش­تان باسقا قولداۋ كورسەتىپ جاتقاندار بار ما؟

– نەگىزى ديماشپەن كوللابوراتسيا جاس­­اي­مىز دەپ ويلاعان ەدىك. الايدا، ديماشتىڭ ءبىز­دەن وزگە دە كومپانيالارمەن جاساسقان كە­لىسىمشارتتارى جەتەرلىك. بىزگە بولا بىرنە­شە كومپانيامەن شارتتى بۇزۋ وعان وڭاي ەمەس. دەگەنمەن قازىر بۇل جاعدايدى قالاي شە­شۋگە بولاتىنى قاراستىرىلىپ جاتىر. ال سپورتشىلارعا كەلسەك، ازىرشە كەيبىر سپورتشىلارعا كوللەكتسياداعى كيىمدەردى سىي­لىق رەتىندە بەرىپ جاتىرمىز. سپورت­شى­لاردان بولەك، قازاقستان ۇلتتىق وليمپيادا كوميتەتىمەن دە ىنتىماقتاستىق ورناتۋ ويدا بولعان. بىراق بۇل جوسپار دا ىسكە اسپاي تۇر. نەگى­زى­نەن، قازىر ءبىز «تۇركىستان» كوللەكتسيا­سى­نا باسىمدىق بەرىپ جاتىرمىز. ءبىز ءازىر­لە­گەن كيىم ۇلگىسىن كورگەندە اينىماي تانيتىن برەندكە اينالۋدى كوزدەيمىن. سوسىن الداعى ۋاقىتتا قازاقستاندا دۇكەندەردەن بولەك، شاعىن ءوندىرىس ورىندارىن اشسام با دەيمىن. بىرتە-بىرتە مۇنداي ءوندىرىس ورىندارىنىڭ فيليالدارىن ورتا ازيا ەلدەرىندە دە اشۋدى ماقسات ەتەمىن. تاعى ءبىر ايتا كەتەرلىگى، ءبىز ازىرلەپ شىعاراتىن كيىمدەردىڭ ساپاسى ليۋكس بولعاندىقتان، باعاسى دا قىمباتتاۋ.

فرانتسياداعى قازاق ديزاينەر: «تۇركىستاندى» الەمدىك برەندكە اينالدىرعىم كەلەدى

ال قاراپايىم حالىققا قولجەتىمدى بولۋ ءۇشىن كەلەسى جىلى جاستارعا ارنالعان ەكىنشى جەلى اشۋدى جوسپارلاپ وتىرمىن. قازىر كيىمدى يتاليا مەن پورتۋگاليا فابريكالارىندا تىگە­مىز. ال جاستارعا ارنالعان كيىمدەر جەلى­سىن قازاقستان مەن تۇركيا فابريكالارىندا تىك­­تىرۋ ويدا بار. وسى رەتتە ايتا كەتەرلىك جايت، بايقاپ قاراسام، قازاقستان جاستارى­نىڭ فرانتسيا جاستارىنان ءبىر ايىر­ما­شىلىعى – ءبىزدىڭ جاستار وزگەلەرگە كوپ ەلىك­تەيدى ەكەن. «اناۋ سياقتى كيىنگىم كەلەدى»، «انا قىزدىڭ ۇستىندەگى كويلەكتى ساتىپ العىم كەلەدى» دەگەندى ءجيى ەستيمىن. قالا بەردى، كوپ­شىلىگى الەۋمەتتىك جەلى ارقىلى قۇربىسى قى­زىققان كيىمدەرگە تامسانىپ، تاپسىرىس بەرىپ جۇرەدى. كوشەگە شىقساڭ دا، بارلىعى بىردەي كيىنىپ العانىن بايقايسىڭ. ءبىر-بىرىنە وسى­لاي ەلىكتەي بەرەتىن بولسا، ولاردا تالعام پاي­دا بولمايدى. سويتەدى دە، وزگەنىڭ تالعا­مىنا تاۋەلدى بولىپ قالادى. سول سەبەپتى تال­عام­دى وزگە بىرەۋلەر نەمەسە الەۋمەتتىك جە­لى­لەر ارقىلى ەمەس، جان دۇنيەڭە ساي قا­لىپ­تاستىرعان ابزال.

اڭگىمەلەسكەن
ءاليا تىلەۋجانقىزى

ۇقساس جاڭالىقتار

Back to top button