پروكۋرور ءبىرتانوۆتى ۇيقاماقتا ۇستاۋ مەرزىمىن ودان ءارى ۇزارتۋدى سۇرادى

مەملەكەتتىك ايىپتاۋشى سوتتان بۇرىنعى دەنساۋلىق ساقتاۋ ءمينيسترى ەلجان ءبىرتانوۆتىڭ ۇيقاماق مەرزىمىن 2021 جىلدىڭ 14 ماۋسىمىنا دەيىن ۇزارتۋدى سۇرادى. وسىدان ەكى اپتا بۇرىن عانا ۇيقاماق مەرزىمى ۇزارتىلعان بولاتىن. 

پروكۋرور ءبىرتانوۆتىڭ ءۇي قاماقتا ەرەجە بۇزعانى تۋرالى مالىمدەدى، دەپ حابارلايدى Tengrinews.kz.

«تەرگەۋ بارىسىندا انىقتالعانداي، ەلجان ءبىرتانوۆ 2020 جىلعى 24 قاراشادا شۆەتسيانىڭ قازاقستانداعى جانە Ericsson، Ericsson Nikola Tesla كومپانياسىنداعى ەلشىسىنىڭ اتىنا حات جولداعان. حاتتا ونى قىلمىستىق جاۋاپكەرشىلىككە تارتۋدىڭ ءمان-جايلارى تۋرالى اقپارات جانە Ericsson Nikola Tesla پلاتفورماسىنىڭ جەتكىزۋشىسىنىڭ جۇمىستى ورىنداعانىن راستايتىن قۇجاتتاردىڭ كوشىرمەلەرىن الۋ تۋرالى ءوتىنىش بار. 2020 جىلعى 29 قىركۇيەكتە ەلجان ءبىرتانوۆ سوتقا دەيىنگى تەرگەۋ دەرەكتەرىن جاريالاماۋ تۋرالى قولحات بەردى. وسىلايشا، ءبىرتانوۆ بۇل قىلمىستىق ءىستى شەت مەملەكەتتىڭ تۇلعالارىنا جاريا ەتىپ، سوتقا دەيىنگى تەرگەۋگە كەدەرگى كەلتىردى»، – دەپ مالىمدەدى سوتتا پروكۋرور تولەگەن جاراسپاەۆ.

ول سونداي-اق سوتتان بىرتانوۆقا مەديتسينالىق مەكەمەلەرگە بارۋدان باسقا ۇيدەن تولىق شىعۋعا تىيىم سالۋدى، تەلەفون ارقىلى سويلەسۋگە، حات-حابار جىبەرۋگە تىيىم سالۋدى، وتباسى مۇشەلەرىنەن باسقا ادامدارمەن سويلەسۋگە تىيىم سالۋدى سۇرادى. سونداي-اق ول ايىپتالۋشىعا باقىلاۋ ورناتۋدى سۇرادى.

ۇقساس جاڭالىقتار

Back to top button