19 ناۋرىز, 21:00 550 0 ەكونوميكا انار لەپەسوۆا

ۆاليۋتا نارىعىنداعى احۋال: مەملەكەت باسشىسى ەربولات دوساەۆقا تاپسىرما بەردى

مەملەكەت باسشىسى قاسىم-جومارت توقاەۆ ۇلتتىق بانك باسشىسى ەربولات دوساەۆتىڭ ۆاليۋتا نارىعى مەن قارجى سالاسىنداعى قازىرگى احۋال تۋرالى ەسەبىن تىڭدادى، دەپ حابارلايدى اقوردانىڭ ءباسپاسوز قىزمەتى. 

ۇلتتىق بانك توراعاسى قازاقستاننىڭ قور بيرجاسىنداعى «تەڭگە-دوللار» ساۋداسى كەزىندە فرانكفۋرت اۋكتسيونى ءادىسىن ۋاقىتشا ەنگىزۋ، سونداي-اق، قارجىلىق تۇراقتىلىق پەن ىسكەرلىك بەلسەندىلىكتى ساقتاۋ ماقساتىندا اقشا-كرەديت ساياساتىنا قاتىستى قابىلدانعان شارالار جايىندا باياندادى.

مەملەكەت باسشىسى ۆاليۋتا نارىعىنداعى جاعدايدى تۇراقتاندىرۋ ءۇشىن ۇلتتىق بانكتىڭ، ۇكىمەتتىڭ جانە ۇلتتىق حولدينگتەردىڭ ۇيلەسىمدى جۇمىس جۇرگىزىپ، ءتيىمدى شەشىمدەر قابىلداۋىنىڭ ماڭىزدىلىعىن اتاپ ءوتتى.

قاسىم-جومارت توقاەۆتىڭ پىكىرىنشە، ينفلياتسيا دەڭگەيىنىڭ وسۋىنە قارسى جۇمىستارعا ەرەكشە نازار اۋدارۋ كەرەك.

كەزدەسۋ قورىتىندىسى بويىنشا پرەزيدەنت وتاندىق كاسىپورىندارعا نەسيە بەرۋگە، ولاردىڭ وپەراتسيالىق قىزمەتىن قارجىلاندىرۋعا قاتىستى كەشەندى قولداۋ شارالارىن قابىلداۋدى تاپسىردى.

ايتا كەتەيىك، بۇگىن ۇلتتىق بانك پەن KASE ورتاق مالىمدەمە جاساپ, ساۋدا-ساتتىقتى فرانكرۋتتىق اۋكتسيون ۇلگىسىندە وتكىزۋ تۋرالى شەشىم قابىلدادى.

سوڭعى جاڭالىقتار