19 ناۋرىز, 17:49 252 0 رۋحانيات Túrkistan Gazeti

ءار قازاقتىڭ تورىندە اباي تۇرسا

مەملەكەت باسشىسى قاسىم-جومارت توقاەۆ «اباي جانە XXI عاسىرداعى قا­­زاق­ستان» اتتى ماقالاسىندا: «بيىل اباي قۇنان­­بايۇلىنىڭ تۋعانىنا 175 جىل تولادى. حال­قىمىزدىڭ ۇلى پەرزەنتىنىڭ مەرەيتويىن لايىق­تى اتاپ ءوتۋ ءۇشىن ارنايى قۇرىلعان كو­ميسسيا دايىندىق جۇمىستارىن باستاپ كەتتى. مەملەكەت كولەمىندە جانە حالىقارالىق دەڭ­گەيدە اۋقىمدى ءىس-شارالار ۇيىمداستىرۋ جوس­پارلانىپ وتىر. بىراق مۇنىڭ ءبارى توي توي­لاۋ ءۇشىن ەمەس، وي-ءورىسىمىزدى كەڭەيتىپ، رۋ­حاني تۇرعىدان دامۋىمىز ءۇشىن وتكىزىلمەك» دەپ جازعان بولاتىن.

ەلىمىزدە ۇلى ابايدىڭ 175 جىلدىق مەرەيتويىنا ارنالعان ءىس-شارالار باستالىپ تا كەتتى. بۇل ءاري­نە، كوڭىلگە قۋانىش ۇيالاتادى. وسىناۋ ءدۇبىرلى توي­عا وراي ءبىزدىڭ دە ۇسىنىسىمىز بار.

ەستەرىڭىزدە بولسا، كەڭەس زامانىندا ۇستەل ءۇستى­نە قوياتىن، بيىكتىگى شامامەن 15 سانتيمەتردەي بو­لاتىن مەتالدان قۇيىلعان ابايدىڭ مۇسىنشەسى دۇكەندەردە ساتىلاتىن. ونىڭ ءبىر كەمىستىگى، مۇسىنشە قۇيىلعان مەتالل قارا-قوڭىر تۇستەس ەدى، سودان جۇ­پىنى كورىنەتىن. بىراق قازىر وسى مۇسىنشەنىڭ ءوزىن ەش جەردەن تابا المايسىز. ءتىپتى، ەسكى زاتتار سا­تاتىن ارنايى انتيكۆاريات دۇكەندەردە دە جوق.

ەگەر ءار قازاقتىڭ ۇيىندە دومبىرامەن قوسا ابىز اقى­نىمىز ابايدىڭ ءمۇسىنى تۇرسا، قانداي جاراسىمدى بولار ەدى! بۇل ءارى كەلەر ۇرپاققا ونەگە بولارى ءسوزسىز. وسى ورايدا، ابايدىڭ بۇرىندارى جا­سالعان مۇسىنشەسىن ۇلگى رەتىندە پايدالانىپ، كۇ­مىس تۇستەس اق-سۇر مەتالدان قۇيىپ، كوبەيتىپ سا­تىلىمعا شىعارسا، سۇرانىس تا از بولماسى انىق.

اباي ءمۇسىنى سىيلى قوناعىڭا، جاقىن دوسىڭا، تۋىس-تۋعانىڭا سىيلاۋعا ابدەن لايىقتى سىي-تارتۋ بولار ەدى. شەتتەن كەلەتىن مەيماندارىمىزعا دا اباي بەينەسىن سىيلاپ  جاتساق،  ەش سوكەتتىگى جوق. وسىلايشا بارىمىزدى باعالاپ، ارداقتى تۇل­عامىزعا ەرەكشە قۇرمەت كورسەتە بىلسەك، ەلدىگىمىزدىڭ بەل­گىسى وسى بولار ەدى.

 ناقىپبەك سادۋاقاسوۆ،

نۇر-سۇلتان قالاسى

سوڭعى جاڭالىقتار