19 ناۋرىز, 18:06 317 0 جاڭالىقتار ارايلىم بيمەنديەۆا

تەمىرجول ۆوكزالدارى ۆيرۋسقا قارسى قۇرالدارمەن قامتاماسىز ەتىلدى

قازاقستان تەمىر جولى ۇلتتىق كومپانياسىنىڭ كورپوراتيۆتىك ماسەلەلەر جانە HR جونىندەگى باسقارما توراعاسىنىڭ ورىنباسارى سەرىك ابدەنوۆ توتەنشە جاعدايلاردى باسقارۋ جونىندە شتاب قۇرىلعانىن جانە تەمىر جولدىڭ بارلىق قىزمەتكەرلەرىنە كوروناۆيرۋس ىندەتى تارالۋىن بولدىرماۋ جانە الدىن-الۋ جونىندەگى ۇسىنىمداردى قاتاڭ ەسكەرۋ بۇيىرىلعانىن ايتتى.

– تەمىر جولدىڭ ءاربىر قىزمەتكەرى جوعارى ازاماتتىق جاۋاپكەرشىلىك تانىتىپ، جەكە گيگيەنا شارالارىن كۇشەيتىپ، ۇنەمى قولدارىن جۋىپ جۇرۋلەرى، ولاردى زالالسىزداندىرۋ قۇرالدارىمەن وڭدەۋى، مەديتسينالىق ماسكالاردى بارىنشا پايدالانۋى جانە جۇمىس ۋاقىتىندا قورعانىشتىق قولعاپتار كيۋلەرى ءتيىس، – دەدى سەرىك ابدەنوۆ.

باسقارما توراعاسىنىڭ ورىنباسارىنىڭ ايتۋىنشا، ەلىمىزدەگى بارلىق 244 ۆوكزال ۆيرۋسقا قارسى قۇرالدارمەن قامتاماسىز ەتىلگەن. وسى ماقساتقا 20 مىڭ ماسكا، 5 مىڭ ليتر انتيسەپتيكالىق سۇيىقتىق، 100 مىڭ دانا قولعاپ ساتىپ الىنعان. قورعانىشتىق قۇرالدارمەن ەڭ الدىمەن تۇرعىندارمەن تىكەلەي بايلانىساتىن كومپانيا قىزمەتكەرلەرى، ۆوكزال، بيلەت ساتاتىن كاسسا قىزمەتكەرلەرى جانە جولاۋشىلار پويىزىنىڭ جولسەرىكتەرى قامتاماسىز ەتىلەدى. بارلىق ۆوكزالداردا سانپين نورمالارىنا سايكەس تازالىق جۇرگىزىلەدى، اتاپ ايتار بولساق، تازارتۋ جۇمىستارى كۇنىنە 4 رەت، ال ادام كوپ شوعىرنالاتىن ورىندارىندا (كۇتۋ جانە كاسسا زالدارى) زالالسىزداندىرۋ قۇرالدارىن پايدالانىپ جۇرگىزىلەتىن ءىس-شالالار ساعات سايىن جۇزەگە اسىرىلادى.

سوڭعى جاڭالىقتار