19 ناۋرىز, 14:02 306 0 قاۋىپسىزدىك انار لەپەسوۆا

توتەنشە جاعداي: باس پروكۋرور ءتارتىپ بۇزۋشىلاردى جازالاۋ شارالارىن ايتتى

قازاقستان پرەزيدەنتى باس پروكۋرور عيزات نۇرداۋلەتوۆتى قابىلدادى، دەپ حابارلايدى اقوردا.

قاداعالاۋ ۆەدومستۆوسىنىڭ جەتەكشىسى مەملەكەت باسشىسىنا توتەنشە جاعداي كەزىندە ەلىمىزدەگى قۇقىقتىق ءتارتىپتى ساقتاۋ ءۇشىن قابىلدانعان شارالار تۋرالى باياندادى.

قاسىم-جومارت توقاەۆقا باس پروكۋراتۋراداعى جانە جەرگىلىكتى جەرلەردەگى ءىس-قيمىلدار مەن شەشىمدەرگە دەر كەزىندە قۇقىقتىق باعا بەرۋ ءۇشىن شۇعىل ارەكەت ەتۋ شتابتارى قۇرىلعانى جايىندا مالىمەت بەرىلدى.

عيزات نۇرداۋلەتوۆ جەكەلەگەن مەديتسينالىق قۇرال-جابدىقتاردى قولدان قىمباتتاتۋعا جول بەرمەۋ، جالعان جانە ارانداتۋشىلىق اقپاراتتاردىڭ تارالۋىنا قارسى كۇرەسۋ ماقساتىندا، سونداي-اق، توتەنشە جاعداي رەجيمىنىڭ بۇزىلۋىنا قاتىستى قۇقىق قورعاۋ ورگاندارىنىڭ قابىلدايتىن شارالارى تۋرالى ايتتى.

قازاقستان پرەزيدەنتى ازاماتتاردىڭ قۇقىقتارى مەن قوعام مۇددەسىن ساقتاۋدىڭ، ۋاقىتشا شەكتەۋ شارالارى كەزىندە زاڭدىلىقتى قامتاماسىز ەتۋدىڭ ماڭىزدىلىعىنا باسا ءمان بەردى.

 

سوڭعى جاڭالىقتار