10 ناۋرىز, 17:12 1495 0 دەنساۋلىق انار لەپەسوۆا

رەسەي كوروناۆيرۋستى انىقتايتىن تەست-جۇيەلەردى 10 مەملەكەتكە بەردى

كوروناۆيرۋس دياگنوستيكاسىنا ارنالعان رەسەيلىك تەست-جۇيەلەرى 10 مەملەكەتكە جەتكىزىلدى. بۇل تۋرالى روسپوترەبنادزوردىڭ ءباسپاسوز قىزمەتى حابارلادى، دەپ جازادى ريا نوۆوستي. 

رەسەيلىك تەست-جۇيەلەرىنىڭ كومەگىمەن ارمەنيا جانە بەلورۋسسيا اۋماعىنداعى كوروناۆيرۋس جۇقتىرۋ دەرەكتەرى انىقتالعان.

بۇگىن روسپوترەبنادزور باسشىسى اننا پوپوۆا كوروناۆيرۋس ينفەكتسياسىنىڭ تارالۋىنا بايلانىستى موڭعوليا باسشىسىمەن كەزدەسكەن. كەلىسسوز ناتيجەسى بويىنشا رەسەيلىك تەست-جۇيەلەرى موڭعولياعا دا بەرىلگەن.

ايتا كەتەيىك، بۇعان دەيىن كوروناۆيرۋستىڭ جاڭا بەلگىلەرى پايدا بولعانىن حابارلاعانبىز. ۆيرۋس جۇقتىرعان ناۋقاستاردىڭ بويىنداعى اۋرۋ بەلگىلەرى دەنگە قىزباسىنىڭ بەلگىلەرىنە ۇقساس بولۋى دۇرىس دياگنوز قويۋعا كەدەرگى كەلتىرۋدە. 

سينگاپۋرلىق دارىگەرلەر ەكى مارتە جاڭىلىپ، كوروناۆيرۋس جۇقتىرعان ناۋقاستاردى دەنگە قىزباسىنان ەمدەگەن. الايدا ەم-دوم كومەكتەسپەگەننەن كەيىن عانا كوروناۆيرۋسقا سىناما الىنىپ، اۋرۋ راستالدى.

سوڭعى جاڭالىقتار