9 ناۋرىز, 09:11 408 0 سپورت انار لەپەسوۆا

توكيو-2020: ەل قورجىنىندا 36 جولداما بار

قازاق سپورتشىلارىنىڭ ەنشىسىندە سپورتتىڭ 16 تۇرىنەن توكيو وليمپياداسىنىڭ 36 جولداماسى بار.  

ازىرگە ليتسەنزيالاردىڭ باسىم كوپشىلىگى بوكسشىلارىمىزدا. كەشە يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىندە ەرلەر قۇراماسى – 5, ايەلدەر بوكسىنان ەل قورجىنىنا 1, جالپى سانى 6 جولداما ءتۇستى.

جولداما سانى جونىنەن ەكىنشى ورىندى ەركىن كۇرەس بالۋاندارى مەن ساداق اتۋشىلار ءوزارا ءبولىسىپ تۇر. اتالعان سپورت تۇرلەرىنەن ءتورت-تورتتەن بارلىعى 8 ليتسەنزيا بار.

3 جولداماعا يەلىك ەتكەن جەڭىل اتلەتتەر مەن تاسجولداعى ۆەلوسپورتتا سىنعا تۇسەتىن سپورتشىلارىمىز ءۇشىنشى ورىندا.

سونداي-اق،  ەل قورجىنىندا ءجۇزۋ سپورتىنان – 2, گرەك-ريم كۇرەسىنەن –  2, ايەلدەر كۇرەسىنەن 2 جولداما بولسا، قازىرگى بەسسايىستان تاعى 2 ليتسەنزيا بار.

يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ ءتۋرنيرى اياقتالماعانىن ەسكەرسەك، جولدامالار سانى ءالى ارتا ءتۇسۋى ابدەن مۇمكىن.

سوڭعى جاڭالىقتار