3 ناۋرىز, 10:52 309 0 سپورت انار لەپەسوۆا

سەمەيدە جاقسىلىق ۇشكەمپىروۆتىڭ جۇلدەسىنە ارنالعان حالىقارالىق تۋرنير وتەدى

6-8 ناۋرىز كۇندەرى سەمەي قالاسىندا وليمپيادا جانە الەم چەمپيونى جاقسىلىق ۇشكەمپىروۆتىڭ جۇلدەسىنە ارنالعان حالىقارالىق تۋرنير وتەدى. 

قازاقپاراتتىڭ حابارلاۋىنشا، اتالعان حالىقارالىق تۋرنيردە 2000-2002 جىلعى جاس بالۋاندار باق سىناماق. بالۋاندار 10 سالماقتان، ياعني 55, 60, 63, 67, 72, 77, 82, 87, 97, 130 كەلىدە مىقتىلاردى انىقتايتىن بولادى.

جاقسىلىق ۇشكەمپىروۆتىڭ جۇلدەسىنە ارنالعان تۋرنير جىل سايىن وتەدى. بىلتىر بۇل تۋرنير تالدىقورعان قالاسىندا ءوتتى. وسى دودادا توپ جارعان بالۋاندار الەمدىك ارەنادا ونەر كورسەتۋگە مۇمكىندىك الادى.

ايتا كەتەيىك، ماسكەۋ وليمپياداسىنىڭ چەمپيونى جاقسىلىق ۇشكەمپىروۆ 1951 جىلى 6 ماۋسىمدا قازاق كسر-داعى جامبىل وبلىسى، سۆەردلوۆ اۋدانىنىڭ «چاپاەۆ» اۋىلىندا دۇنيەگە كەلگەن. ول كەڭەس وداعىنىڭ كلاسسيكالىق ستيلدەگى كۇرەس بالۋانى، قسرو-نىڭ ەڭبەك سىڭىرگەن سپورت شەبەرى، قازاق كسر ەڭبەك سىڭىرگەن جاتتىقتىرۋشىسى، قازاق كسر-نىڭ ەركىن كۇرەس بويىنشا جەڭىمپازى. سونىمەن بىرگە، الەم چەمپيونى (1981), الەم كۋبوگىنىڭ كۇمىس جۇلدەگەرى (1980), كەڭەس وداعىنىڭ ەكى دۇركىن جەڭىمپازى (1975, 1980), كسرو بىرىنشىلىگىنىڭ ەكى دۇركىن جەڭىمپازى (1975, 1980).

 

سوڭعى جاڭالىقتار