27 اقپان, 09:52 216 0 نۇر وتان اسەل انۋاربەك

بىلتىر 3,5 مىڭ شاقىرىم جول جوندەلدى

ماجىلىستە Nur Otan پار­تيا­سىنىڭ فراكتسياسى جانىنداعى بيۋدجەت قاراجاتتارىنىڭ ماق­ساتتى جانە ءتيىمدى جۇمسالۋى مەن تۇپكىلىكتى ناتيجەگە قول جەت­كىزۋدى باقىلاۋدى قام­تا­ما­سىز ەتۋ كوميسسياسىنىڭ وتىرىسى ءوتتى.

جيىندا جەرگىلىكتى ماڭىزداعى اۆ­تو­كولىك جولدارىن ۇستاپ تۇرۋعا جانە دا­مى­تۋعا بولىنگەن بيۋدجەت قاراجاتتارىن جۇم­ساۋدىڭ تيىمدىلىگى تالقىعا سالىندى.

بىلتىر 3,5 مىڭ شاقىرىم جەرگىلىكتى جول­عا كۇردەلى جانە ورتاشا جوندەۋ جۇرگىزىلىپتى. ناتيجەسىندە، اۋىل-ايماقتا جاقسى جانە قاناعاتتانار-لىق جاعدايداعى جەرگىلىكتى ماڭىزداعى جولداردىڭ ۇلەسى 71 پايىزعا جەتكەن ەكەن. قازىرگى كەزدە 2020-2025 جىلدارعا ارنالعان جاڭا «نۇرلى جول» باعدارلاماسى قولعا الىندى. ول لايىقتى ورىندالسا، 2026 جىلعا قاراي وسىنداي اۆتوجولدار ۇلەسى 95 پايىز مەجەسىن باعىن­دىرۋى ءتيىس.

دەگەنمەن ءماجىلىس دەپۋتاتتارى باعدار­لامانىڭ تۇپكى ناتيجەلەرىنە جەتۋگە كەدەرگى بولاتىن كەمشىلىكتەرگە نازار اۋداردى. دە­پۋتات گلەب ششەگەلسكي مۇنداي پروبلەمالار اراسىنان قۇرىلىسقا، رەكونسترۋك­تسيا­لاۋعا جانە جول جوندەۋگە بەرىلگەن بيۋد­جەت قاراجاتىنىڭ ءتيىمسىز پايدالانىل­ۋىن، اقتوبە – اتىراۋ – رەسەي شەكاراسى جول تەلىمىن قايتا قالپىنا كەلتىرۋ ءۇشىن قارا­جات ءبولۋ ءىسىنىڭ سوزبالاڭعا سالىنۋىن اتادى.

بۇدان بولەك، نۇر-سۇلتان – پاۆلودار جو­لىندا جوندەۋ جۇمىستارى اياقتالماعان. جالپى، جاڭا جولداعى جۇمىستار جانە وندا پايدالانىلاتىن ماتەريالدار ساپاسىن باقىلاۋ ناشار. جاڭا تراسسالار قاردان ارشىلماي-تىندىقتان، قىسقى ماۋسىمدا كوبىنە جەڭىل تۇگىل، جۇك كولىكتەرى دە ونىڭ يگىلىگىن كورە المايدى.

وتىرىس قورىتىندىسىندا اۆتوجول سا­لاسىن قارجىلاندىرۋ تەتىكتەرىن جەتىلدىرۋ بويىنشا ۇسىنىمدار ازىرلەندى.

 

سوڭعى جاڭالىقتار