25 اقپان 2020, 08:38 478 0 رۋحانيات انار لەپەسوۆا

الەمدە كەڭ تاراعان 100 ءتىل: قازاق تىلىندە سويلەۋشىلەردىڭ سانى قانشا؟

ءتىلدىڭ كەڭ تارالۋى ادەتتە ونى ءبىلۋدىڭ قانشالىقتى ءتيىمدى ەكەنىنە جانە ونىڭ گەوگرافيالىق لوكاتسياسىنا بايلانىستى بولىپ كەلەدى. ءتىل قانشا تانىمال بولعانىمەن، اتالعان تىلدە جالپى سويلەۋشىلەر سانى مەن ونى تۋعان ءتىلى سانايتىندار سانى سايكەس كەلمەي جاتۋى دا مۇمكىن.

بۇگىنگى ماقالاعا WordTips جاساعان يلليۋستراتسيا پايدالانىلىپ وتىر. مۇندا ءار تىلدە جالپى سانى قانشا ادام سويلەيتىنى جانە ونى تۋعان ءتىلى سانايتىن ادامدار سانى كورسەتىلگەن، دەپ جازادى Massaget.kz.

ءتىل سويلەۋشىلەردىڭ جالپى سانى ءتىلدىڭ گەنەولوگيالىق جىكتەلۋى
1 اعىلشىن 1,132 ميلليون ءۇندى-ەۋروپالىق
2 ماندارين قىتاي 1,117 ميلليون سين-تيبەت
3 حيندي 615 ميلليون ءۇندى-ەۋروپالىق
4 يسپان 534 ميلليون ءۇندى-ەۋروپالىق
5 فرانتسۋز 280 ميلليون ءۇندى-ەۋروپالىق
6 اراب 274 ميلليون افرو-ازيالىق
7 بەنگال 265 ميلليون ءۇندى-ەۋروپالىق
8 ورىس 258 ميلليون ءۇندى-ەۋروپالىق
9 پورتۋگال 234 ميلليون ءۇندى-ەۋروپالىق
10 يندونەزيا 199 ميلليون اۋسترونەزيالىق

جوعارىدا كورسەتىلگەن كەستە بويىنشا، سويلەۋشىلەردىڭ جالپى سانىنىڭ كوپتىگىنەن ءبىرىنشى ورىنعا اعىلشىن ءتىلى جايعاسقان. ەكىنشى ساتىدا ماندارين قىتاي ءتىلى بولسا، ۇشتىكتى حيندي تىلىندە سويلەۋشىلەر قورىتىندىلايدى. ەڭ ادەمى سانالاتىن يسپان مەن فرانتسۋز تىلدەرىندە سايكەسىنشە 534 ميلليون جانە 280 ميلليون ادام ويىن جەتكىزە الادى ەكەن. 6 مەن 7-ءشى ساتىلاردا اراب جانە بەنگال تىلدەرى ورنالاسقان. 258 ميلليون ادام ءتىل قاتىسا الاتىن ورىس ءتىلى 8-ءشى ورىندا. پورتۋگال مەن يندونەزيا تىلدەرى كەڭ تاراعان تىلدەر وندىعىن قورىتىندىلايدى.

ال قاي ءتىل قانشا ادامنىڭ انا ءتىلى سانالاتىنىن تومەندەگى كەستەدەن كورە الاسىزدار:

ءتىل قانشا ادامنىڭ انا ءتىلى؟ ءتىلدىڭ گەنەولوگيالىق جىكتەلۋى
1 ماندارين قىتاي 918 ميلليون سين-تيبەت
2 يسپان 460 ميلليون ءۇندى-ەۋروپالىق
3 اعىلشىن 379 ميلليون ءۇندى-ەۋروپالىق
4 حيندي 341 ميلليون ءۇندى-ەۋروپالىق
5 بەنگال 228 ميلليون ءۇندى-ەۋروپالىق
6 پورتۋگال 221 ميلليون ءۇندى-ەۋروپالىق
7 ورىس 154 ميلليون ءۇندى-ەۋروپالىق
8 جاپون 128 ميلليون جاپون
9 باتىس پۋندجابي 93 ميلليون ءۇندى-ەۋروپالىق
10 ماراتحي 83 ميلليون ءۇندى-ەۋروپالىق

ەكىنشى كەستەدەن، كەڭ تارالعان تىلدەر تىزىمىندە ەكىنشى بولىپ تۇرعان ماندارين قىتاي ءتىلىنىڭ الدىڭعى قاتارعا شىققانىن كورەمىز. ال ءبىرىنشى كەستەدە 4-ءشى ساتىنى مىسە تۇتقان يسپان ءتىلى ونى انا ءتىلى سانايتىندار تىزىمىندە ەكىنشى ورىندا. 379 ميلليون ادامنىڭ بويىنا اعىلشىن ءتىلى انا سۇتىمەن دارىعان. ودان كەيىن حيندي، بەنگال، پورتۋگال، ورىس، جاپون تىلدەرى ورنالاسسا، 9-شى جانە 10-شى ساتىلاردا ءبىز ەستىمىگەن باتىس پۋندجابي مەن ماراتحي تىلدەرى بوي كورسەتەدى. 

بۇل كەستەدە قازاق ءتىلى قاي ساتىعا تۇراقتاعان؟ 

جوعارىدا كورسەتىلگەن يلليۋستراتسيا بويىنشا، قازاق تىلىندە سويلەي الاتىنداردىڭ جالپى سانى مەن ونى انا ءتىلى ەسەپتەيتىندەردىڭ كورسەتكىشى تەڭ تۇسەدى. ياعني، ەكەۋى دە – 12,934,060. وسىلايشا، "الەمدە ەڭ كوپ تارالعان 100 ءتىل" رەيتينگىندە قازاق ءتىلى 89-ورىنعا جايعاسقان. گەنەولوگيالىق جىكتەلۋى بويىنشا تۋىستاس كەلەتىن تۇرىك ءتىلى 20-ورىن، وزبەك ءتىلى 54-ورىن، ءازىربايجان 82-ورىنعا تۇراقتاعان.

سوڭعى جاڭالىقتار