17 اقپان, 11:05 622 0 ءبىلىم انار لەپەسوۆا

ۆيتسە-مينيستر قازاقستاندا وقيتىن وزبەكستاندىق ستۋدەنتتەردىڭ جاپپاي ءوز ەلىنە اۋىسۋ سەبەبىن ايتتى

قر ءبىلىم جانە عىلىم ءمينيسترى ميراس داۋلەنوۆ ەلىمىزدە جوعارى ءبىلىم الىپ جاتقان وزبەكستان ازاماتتارىنىڭ وزبەكستاندىق جوعارى وقۋ ورىندارىنا اۋىسۋ تۋرالى وتىنىشتەرىنە قاتىستى پىكىر ءبىلدىردى. 
"بۇل شەشىم وزبەكستان ەلشىلىگىنىڭ وكىلدەرىمەن كەزدەسۋ بارىسىندا انىقتالدى. وعان وزبەكستاندا جوعارى ءبىلىم الۋ مۇمكىندىگىنىڭ ارتۋى سەبەپ بولىپ وتىر.  قولداعى اقپاراتقا سۇيەنسەك، وزبەكستاندىق ستۋدەنتتەر تەك ءبىزدىڭ ەلدە عانا ەمەس، سونىمەن قاتار، وزگە دە شەكارالاس ەلدەردىڭ وقۋ ورنىنان دا وزدەرىنىڭ تاريحي وتاندارىنا اۋىسىپ جاتىر. قازىر الەم بويىنشا حالىق جاپپاي جوعارى ءبىلىم الۋعا ۇمتىلادى. ودان بولەك، بارلىق جەردە اكادەميالىق موبيلدىلىك بويىنشا كەدەرگىلەر جويىلۋدا", - دەپ جازدى ۆيتسە-مينيستر Facebook-تەگى پاراقشاسىندا. 
ميراس داۋلەنوۆتىڭ ايتۋىنشا، تۋىنداپ وتىرعان جاعداي قازاقستاندىق جوعارى وقۋ ورىندارىنا كەرى اسەر ەتپەيتىن تابيعي پروتسەسس. 
"قازاقستاندا 2017 جىلى ستۋدەنتتەردى شەتەلدىك جوعارى وقۋ ورىندارىنان وتاندىق جوو-لارعا اۋىستىرۋ كەزىندە كەشەندى تەست تاپسىرۋ تالابى الىنىپ تاستالعانىن ەستەرىڭىزگە سالامىن. سونىڭ ناتيجەسىندە 37 مىڭنان استام ستۋدەنت قازاقستاننىڭ جوعارى وقۋ ورىندارىنا اۋىسۋ مۇمكىندىگىنە يە بولدى", - دەيدى ءمينيستردىڭ ورىنباسارى. 

سوڭعى جاڭالىقتار