17 اقپان 2020, 10:23 503 0 جاھان انار لەپەسوۆا

اۋداندار اراسىنداعى بايقاۋدا پرەزيدەنت تۋعان ولكە ەڭ ۇزدىك دەپ تانىلدى

تۇركىمەنستاننىڭ كوكتەپە اۋدانى 2019 جىلدىڭ ەڭ ۇزدىك اۋدان بايقاۋىندا جەڭىسكە جەتىپ، 1 ملن اقش دوللارىن الدى.

مەملەكەتتىك تدح اقپارات اگەنتتىگىنىڭ حابارلاۋىنشا، سىيلىق تاپسىرۋ راسىمىنە ەلدىڭ ۆيتسە-پرەمەر-ءمينيسترى، پالامەنت دەپۋتاتتارى باستاعان شەنەۋنىكتەر قاتىسقان. بۇل تۋرالۆ ورتالىق ازيانىڭ جاڭالىقتار قىزمەتى حابارلادى. 

احال وبلىسى كوكتەپە اكىمدىگىنە 1 ملن دوللار سىيلىق تاپسىرۋ تۋرالى بۇيرىققا پرەزيدەنت گۋربانگۋلى بەردىمۇحامەدوۆ قول قويعان.

كوكتەپە اۋدانىندا پرەزيدەنت بەردىمۇحامەدوۆ دۇنيەگە كەلگەن. 7 اقپاندا ونەركاسىپ جانە قۇرىلىس ءمينيسترى بولىپ تاعايىندالعان تۇركىمەن ليدەرىنىڭ جالعىز ۇلى سەردار بەردىمۇحامەدوۆ وسىعان دەيىن احال وبلىسى اكىمى بولعان.

سەردار بەردىمۇحامەدوۆ احال وبلىسىن باسقارىپ تۇرعاندا دا بۇل ءوڭىر ماقتا تەرىمى بويىنشا ۇنەمى ءبىرىنشى ورىندا بولاتىن. تاياۋدا عانا بۇل ايماقتا جاڭا وبلىس ورتالىعىن سالۋ ءۇشىن 1,5 ملرد اقش دوللارى بولىنگەن.

سوڭعى جاڭالىقتار