10 اقپان 2016, 12:59 2419 0 ەكونوميكا ەركەجان جۇماتاي

«سامۇرىق-قازىنا» 255 ميلليارد تەڭگە ۇنەمدەدى

بۇگىن «سامۇرىق-قازىنا» اق باسقارماسىنىڭ توراعاسى ومىرزاق شوكەەۆ ەلباسىنىڭ جەكە قابىلداۋىندا بولدى دەپ حابارلايدى اقوردانىڭ ءباسپاسوز قىزمەتى. كەزدەسۋدە ومىرزاق شوكەەۆ حولدينگتى ترانسفورماتسيالاۋ باعدارلاماسىمەن ونىڭ اكتيۆتەرىن جەكەشەلەندىرۋدى جۇزەگە اسىرۋ بارىسى تۋرالى باياندادى.

حولدينگ باسشىسى 2015 جىلى كومپانيانىڭ اعىمداعى شىعىستارى 520 ميلليارد تەڭگەگە قىسقارتىلعاندىعىن، سونداي-اق، باسىمدىعى جوق بىرقاتار ينۆەستيتسيالىق جوبالار كەيىنگە قالدىرىلعاندىعىن سونىڭ نەگىزىندە 255 ميلليارد تەڭگە ۇنەمدەلگەندىگىن جەتكىزدى. بۇعان قوسا، كرەديتورلارمەن كەلىسسوزدەر ناتيجەسىندە كومپانيالار توبىنىڭ جالپى قارىزى 7 ميلليارد دوللارعا ازايعاندىعى دا انىقتالىپ وتىر. سونىمەن قاتار، ءو.شوكەەۆ وڭىرلەردەگى ءىرى جوبالارعا، سونىڭ ىشىندە اتىراۋ وبلىسىنداعى مۇناي حيمياسى ونىمدەرىن شىعاراتىن كاسىپورىن قۇرىلىسىنا، جامبىل وبلىسىنداعى كاۋستيكالىق سودا جانە گليفوسات وندىرەتىن وندىرىستىك كەشەنگە، سونداي-اق «سولتۇستىك-شىعىس» ەلەكتر تاراتۋ جەلىسىنىڭ قۇرىلىسىنا ينۆەستيتسيا سالۋ كولەمى ۇلعايعانى تۋرالى ايتتى.

كەزدەسۋ بارىسىندا نۇرسۇلتان نازارباەۆ جۇزەگە اسىرىلىپ جاتقان جەكەشەلەندىرۋ باعدارلاماسىنىڭ اشىق ءارى جاريالى تۇردە جۇرگىزىلۋىن تاپسىردى. سونىمەن قاتار، قازاقستان پرەزيدەنتى الەمدىك ەكونوميكانىڭ تۇراقسىزدىعىنا قاراماستان، حولدينگ الەۋمەتتىك ماڭىزدى جوبالاردى جۇزەگە اسىرۋدى جالعاستىرىپ، جاڭا جۇمىس ورىندارىن اشۋعا تيىستىگىنە نازار اۋداردى.
كەزدەسۋ سوڭىندا مەملەكەت باسشىسى «سامۇرىق-قازىنا» اق باسقارماسىنىڭ توراعاسىنا بىرقاتار تاپسىرمالار جۇكتەدى.

سوڭعى جاڭالىقتار