16 اقپان, 20:16 262 0 الەۋمەت انار لەپەسوۆا

پەتروپاۆلدا كوپقاباتتى ۇيدەن ءورت شىعىپ، 84 جاستاعى كەيۋانا كوز جۇمدى

پەتروپاۆلدا 9 قاباتتى ۇيدەن ءورت شىعىپ، 84 جاستاعى ايەل مەرت بولدى. بۇل تۋرالى سولتۇستىك قازاقستان وبلىستىق توتەنشە جاعدايلار دەپارتامەنتى ءباسپاسوز قىزمەتى حابارلادى. 

دەرەككوزدىڭ مالىمەتىنە سۇيەنسەك، بۇگىن ساعات 10.30 شاماسىندا «101» قىزمەتىنە كوشۋكوۆ كوشەسى، 7 مەكەن جايىنداعى 9 قاباتتى ءۇيدىڭ ءۇشىنشى قاباتىنان ءورت شىققاندىعى جونىندە حابارلانعان.

ءورت سوندىرۋشىلەر جەتكەن كەزدە پاتەر جالىنداپ جانىپ جاتقان. قۇتقارۋشىلار مەن پوليتسيا قىزمەتكەرلەرى 8 ادامدى، سونىڭ ىشىندە ەكى بالانى قاۋىپسىز جەرگە شىعاردى.

وقيعا ورنىنان پاتەردىڭ يەسى - 1936 جىلى تۋعان ايەلدىڭ دەنەسى تابىلدى.

جالىنمەن كۇرەسكە 20 ادام جانە 6 تەحنيكا جۇمىلدىرىلدى. ساعات 11.00 شاماسىندا جالىن تولىق ءسوندىرىلدى. ءورتتىڭ سالدارىنان دۇنيە-مۇلىككە زاقىم كەلدى.

قازىرگى ۋاقىتتا وقيعانىڭ سەبەبى مەن كەلگەن شىعىن كولەمى انىقتالۋدا. 

سوڭعى جاڭالىقتار