16 اقپان, 13:12 612 0 زاڭ انار لەپەسوۆا

ەلىمىزدەن 20 مىڭ مەديتسينالىق بەتپەردەنى زاڭسىز اكەتپەك بولعان قىتايلىق ۇستالدى

قر ۇقك شەكارا قىزمەتى 20 مىڭ مەديتسينالىق بەتپەردە كونترابانداسىن وتكىزبەك بولعان قىتاي حالىق رەسپۋبليكاسىنىڭ ازاماتىن ۇستادى. بۇل تۋرالى دەپارتامەنتتىڭ ءباسپاسوز قىزمەتى حابارلادى. 

«14 اقپاندا التىن-كول ستانتسياسىنىڭ شەكارالىق باقىلاۋ بەكەتىندە قحر ازاماتىنان كونتراباندالىق تاۋارلار الىندى، ول – قازاقستاننان قىتايعا كونتراباندالىق جولمەن وتكىزۋگە تىرىسقان 20 000 مەديتسينالىق بەتپەردە»، – دەلىنگەن ءباسپاسوز حابارلاماسىندا.

ەستەرىڭىزگە سالا كەتەيىك، 2020 جىلدىڭ 7 اقپانىندا قازاقستان مەديتسينالىق بەتپەردەلەردىڭ ەكسپورتىنا تىيىم سالعان. الماتى فارماتسەۆتيكالىق كومپانياسى سۇرانىستىڭ جوعارى بولۋىنا بايلانىستى تاۋلىك بويى جۇمىس ىستەپ جاتىر.

سوڭعى جاڭالىقتار