15 اقپان, 18:17 368 0 ساياسات انار لەپەسوۆا

قاسىم-جومارت توقاەۆ اشراف عانيمەن كەزدەستى

قازاقستان پرەزيدەنتى قاسىم-جومارت توقاەۆ اۋعانستان پرەزيدەنتى اشراف عانيمەن كەزدەستى. بۇل تۋرالى اقوردانىڭ ءباسپاسوز قىزمەتى حابارلادى. 

اڭگىمەلەسۋ بارىسىندا مەملەكەتتەر باسشىلارى ساۋدا-ەكونوميكالىق، كولىك-لوگيستيكالىق، گۋمانيتارلىق سالالارداعى ەكىجاقتى ىنتىماقتاستىقتىڭ قازىرگى احۋالى مەن ونى نىعايتۋدىڭ پەرسپەكتيۆالارىن تالقىلادى. سونىمەن قاتار وڭىرلىك جانە حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.

مەملەكەت باسشىسى اۋعانستاندى ەلىمىزدىڭ سەنىمدى سەرىكتەسى ءارى تاتۋ كورشىسى رەتىندە اتاپ ءوتتى. قاسىم-جومارت توقاەۆ اشراف عانيعا جاقىن ارادا قازاقستان رەسپۋبليكاسىنىڭ اۋعانستان بويىنشا ارنايى وكىلى لاۋازىمى بەكىتىلەتىنىن ايتتى.

اۋعانستان پرەزيدەنتى ەكىجاقتى ىنتىماقتاستىقتىڭ دامۋىن جوعارى باعالاپ، قازاقستانمەن ساۋدا-ەكونوميكالىق بايلانىستاردى ودان ءارى كەڭەيتۋگە مۇددەلى ەكەنىن ايتتى.

سوڭعى جاڭالىقتار