14 اقپان, 19:29 534 0 زاڭ انار لەپەسوۆا

بۇدان بىلاي جەكە كۋالىگىن جوعالتقان قازاقستاندىقتارعا ۋاقىتشا قۇجات بەرىلمەيدى

ەلىمىزدە قۇجاتتاردى، سونىڭ ىشىندە جەكە كۋالىكتەردى بەرۋ، سونداي-اق 16 جاسقا دەيىنگى بالالارمەن بىرگە شەتەلگە شىعۋ ەرەجەلەرىنە ەنگەن كەيبىر وزگەرىستەر تۋرالى الماتى كوشى-قون قىزمەتىنە سىلتەمە جاساپ قالالىق پوليتسيا دەپارتامەنتى حابارلادى. 

سونىمەن، وتكەن جىلدىڭ قاراشاسىندا قابىلدانعان جاڭا زاڭعا سايكەس، ەندى قازاقستاندىقتار جەكە كۋالىگىن جوعالتىپ العان جاعدايدا ۋاقىتشا قۇجات الا المايدى. پوليتسيانىڭ حابارلاۋىنشا، ولارعا بىردەن ستاندارتتى كۋالىك بەرىلەدى.

ودان بولەك، ەلدەن شىعار كەزدە 16 جاسقا دەيىنگى بالالاردىڭ سۋرەتتەرىن اتا-اناسىنىڭ تولقۇجاتىنا قويۋ تاجىريبەسىنەن باس تارتۋ تۋرالى شەشىم قابىلدانعان. بالالار تۋرالى دەرەكتەر دە اتا-اناسىنىڭ تولقۇجاتىنا جازىلمايدى.

مەگاپوليستىڭ كوشى-قون پوليتسياسى دەپارتامەنتى مۇنداي شارالار جۇمىس پروتسەسىن جەڭىلدەتەدى جانە قازاقستاندىقتاردىڭ مەملەكەتتىك قىزمەت الۋى وڭاي بولادى دەپ سانايدى.

تەگتەر جەكە كۋالىك

سوڭعى جاڭالىقتار