14 اقپان, 16:55 307 0 جاھان انار لەپەسوۆا

اقش-تا ترامپتىڭ اسكەري وكىلەتىن شەكتەيتىن رەزوليۋتسيا ماقۇلداندى

اقش سەناتى 13 اقپاندا پرەزيدەنتتىڭ يرانعا قاتىستى اسكەري وپەراتسيالار جۇرگىزۋ وكىلەتىن شەكتەيتىن رەزوليۋتسيانى قابىلدادى.

قاڭتار ايىنىڭ باسىندا وكىلدەر پالاتاسى قۇجاتتى ماقۇلداعان. سەناتتاعى 47 دەموكراتتان بولەك 8 رەسپۋبليكاشىل قۇجاتتى قولداپ داۋىس بەردى. 45-ءى قارسى بولدى. بۇل تۋرالى ورتالىق ازيانىڭ جاڭالىقتار قىزمەتى حابارلادى. 

بۇعان دەيىن دونالد ترامپ رەسپۋبليكاشىلداردى قۇجاتتى قولداماۋعا شاقىرعان.

"اقش سەناتى يران بويىنشا اسكەري وكىلەت تۋرالى رەزوليۋتسياعا داۋىس بەرمەۋى ءتيىس، بۇل ەلدىڭ قاۋىپسىزدىگى ءۇشىن ماڭىزدى. بىزدە يران بويىنشا ءبارى جاقسى، قازىر السىزدىك كورسەتەتىن ۋاقىت ەمەس" دەپ جازدى ترامپ Twitter-دە.

ەگەر ترامپ قۇجاتقا ۆەتو قويسا، قۇجاتتىڭ قابىلدانۋى ءۇشىن 67 سەناتوردىڭ داۋىسى كەرەك. ساراپشىلار مۇنداي جاعدايدا قۇجات قابىلدانا قويماس دەپ بولجايدى.

سوڭعى جاڭالىقتار