14 اقپان, 12:36 643 0 ايماق انار لەپەسوۆا

باتىس قازاقستاندا قورىق اۋماعىندا مۇناي ىزدەۋگە رۇقسات بەرىلدى

باتىس قازاقستان وبلىستىق ەكولوگيا دەپارتامەنتى «ۋرال ويل ەند گاز» كومپانياسىنا كيرسانوۆ قورىعى ايماعىندا گەولوگيالىق ىزدەستىرۋ جۇمىستارىن جۇرگىزۋگە رۇقسات بەردى. بۇل تۋرالى ەربول قۋانوۆ ءباسپاسوز ءماسليحاتىندا ايتتى، دەپ حابارلايدى ورتالىق ازيانىڭ جاڭالىقتار قىزمەتى. 

ونىڭ ايتۋىنشا، قوعامدىق تىڭداۋ كەزىندە جەرگىلىكتى تۇرعىندار مۇناي ىزدەۋدى قولداپ داۋىس بەرگەن.

ء"بىز رۇقسات بەردىك. بىراق بيىل بۇل ايماقتا مۇناي ىزدەۋ جۇمىسى ازىرگە باستالمايدى",- دەدى قۋانوۆ.

قازاقستاندا كيرسانوۆ قورىعىندا مۇناي ىزدەستىرۋ جۇمىستارى جوسپارلانىپ جاتقانى بىلتىر كۇزدە ايتىلا باستاعان. جاڭا جىلعا دەيىن قورىققا بارۋ ءۇشىن جول جوندەلىپ، كوپىر سالىنعان.

كيرسانوۆ قورىعى 1967 جىلى تۇزىلگەن. بۇل ايماقتا سيرەك كەزدەسەتىن جانۋارلار بار.

سوڭعى جاڭالىقتار