14 اقپان, 09:16 661 0 الەۋمەت انار لەپەسوۆا

بالاسىنا دۇرىس قاراماعان 61 اتا-انا جازالاندى

شىعىس قازاقستان وبلىسىنداعى «تۇرمىس» جەدەل الدىن الۋ شاراسى بارىسىندا 70-كە جۋىق بەرەكەسىز وتباسى انىقتالدى. بۇل تۋرالى شقو پوليتسيا دەپارتامەنتى ءباسپاسوز قىزمەتى حابارلادى. 

20 قاڭتار مەن 20 اقپان ارالىعىندا وتكىزىلىپ جاتقان جەدەل الدىن الۋ شاراسىنىڭ ماقساتى – وتباسىنداعى قۇقىق بۇزۋشىلىقتاردىڭ الدىن الۋ جانە تۇرعىلىقتى جەرى بويىنشا پوليتسيا بولىمىندە تىركەۋدە تۇرعانداردى تەكسەرۋ.

بۇگىندە پوليتسەيلەر تۇرمىستىق قارىم-قاتىناستا زاڭسىزدىققا جول بەرگەن 320 ادامدى اكىمشىلىك جاۋاپكەرشىلىككە تارتقان. سونداي-اق 59 ادام ىشىمدىككە جانە ەسىرتكىگە تاۋەلدىلىكتەن ءماجبۇرلى تۇردە ەمدەۋگە جىبەرىلىپتى.

«تەكسەرۋ بارىسىندا 69 بەرەكەسىز وتباسى انىقتالدى. كامەلەت جاسىنا تولماعان بالاسىنا دۇرىس قاراماعانى ءۇشىن 61 ادام جاۋاپقا تارتىلىپ، 12 ادام اتا-انا قۇقىعىنان ايىرىلدى» دەلىنگەن ۆەدومستۆو مالىمەتىندە.

 

سوڭعى جاڭالىقتار