13 اقپان 2020, 16:29 8114 0 جاھان انار لەپەسوۆا

قىتايدان كوروناۆيرۋس جۇقتىرىپ كەلدى دەگەن كۇدىكپەن كارانتينگە جابىلعان قىز قاشىپ كەتتى

سانكت-پەتەربۋرگتەگى بوتكينسك اۋرۋحاناسىنان قاشىپ شىققان بويجەتكەننىڭ باسى داۋعا قالدى. 30 قاڭتار كۇنى قىتايدان ورالعاننان كەيىن اتالمىش اۋرۋحاناعا جاتقىزىلعان اللا يلينا اق حالاتتىلاردىڭ كۇشتەپ ۇستاۋىنا كونگىسى كەلمەگەن. بۇل تۋرالى  رامبلەر حابارلادى. 

كوروناۆيرۋس ىندەتى ءورشىپ تۇرعان ەلدەن ورالعان بويجەتكەن تاماعى اۋىرعاندىقتان دارىگەردىڭ كومەگىنە جۇگىنگەن. ناۋقاستىڭ سوزىنشە، اق حالاتتىلار وعان ساراپتاما تاپسىرۋ ءۇشىن ءبىر كۇن اۋرۋحانادا جاتۋ كەرەگىن ەسكەرتكەن.

دەگەنمەن سودان كەيىن ارۋدى كۇشتەپ مەديتسينالىق مەكەمەدە قالدىرۋعا تىرىسىپتى. مەديتسينالىق قىزمەتكەرلەر ونىڭ پالاتاسىنداعى ەسىكتى ماگنيتتىڭ قۇلىپپەن جاۋىپتى دەپ جازادى lenta.ru.

دارىگەرلەر اللاعا قالام مەن پاراق بەرىپ، اۋرۋحانادا جاتۋدان باس تارتۋ تۋرالى ءوتىنىش جازۋىن سۇراعان كەزدە بويجەتكەن مەكەمەدەن قاشىپ كەتكەن. ول ءوزىنىڭ ەلەكتروماگنيتتىك قۇلپىنىڭ سىمدارىن ءۇزىپ، پالاتا ەسىگىن اشىپ، سىرتقا شىعىپتى.

ەندى سانكت-پەتەربۋرگتىڭ باس سانيتار دارىگەرى اللانى سوتقا بەرمەك.

تەگتەر كوروناۆيرۋس

سوڭعى جاڭالىقتار