13 اقپان, 12:50 491 0 تۇلعا انار لەپەسوۆا

"ۇركەر" جۋرنالىنا جاڭا باس رەداكتور تاعايىندالدى

بەلگىلى جازۋشى، پۋبليتسيست جاڭابەك شاعاتاي «قازاق گازەتتەرى» سەرىكتەستىگىنە قاراستى باسىلىم – "ۇركەر" قوعامدىق-ساياسي، ادەبي جۋرنالىنىڭ باس رەداكتورى قىزمەتىنە تاعايىندالدى. 

جاڭابەك باققوندىۇلى 1961 جىلدىڭ 1 قاڭتارىندا جامبىل وبلىسى، تالاس اۋدانىنىڭ ءۇشارال اۋىلىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىنىڭ تۇلەگى.

اۋىل شارۋاشىلىعى سالاسىندا، كۇرىلىستا جۇمىس ىستەگەن. 1985 جىلدان باستاپ "جالىن" باسپاسىنىڭ اۋدارما بولىمىنە رەداكتورلىق قىزمەتكە كابىلداندى. مۇندا ول جوعارى سىنىپ وقۋشىلارى، جاسوسپىرىمدەر مەن جاستارعا ارنالعان كوپتەگەن كوركەم جانە تانىمدىق، شىتىرمان وقيعالى، فانتاستيكالىق كىتاپتاردىڭ رەداكتورى بولدى.

ءوزى ورىستىڭ بەلگىلى جازۋشىسى يۋري ناگيبيننىڭ "پروتوپوپ اۆۆاكۋم" اتتى اڭگىمەسىن، س.يۆانوۆتىڭ بىرقاتار اڭگىمەلەرىن قازاقشاعا ءتارجىمالادى. 1990 جىلى "قازاق ادەبيەتى" گازەتىنە قىزمەتكە اۋىسىپ، ودان كەيىنگى جىلداردا "حالىق كونگرەسى" گازەتى، "پاراسات" جۋرنالىندا ءارتۇرلى قىزمەتتەر اتقاردى. 1994 جىلدان بەرى "تۇركىستان" حالىقارالىق گازەتىندە ەڭبەك ەتتى. تىلشىلىكتەن باستاپ، باس رەداكتوردىڭ ورىنباسارى، باس رەداكتور قىزمەتتەرىن اتقاردى.

 

 

سوڭعى جاڭالىقتار