13 اقپان 2020, 08:43 927 0 الەۋمەت انار لەپەسوۆا

وتانعا دەگەن ماحاببات ۇلكەن ۇراندار مەن بوس دەكلاراتسيالار ەمەس

كەشە مەملەكەت بaسشىسى قaسىم-جومaرت توقaەۆتىڭ قaتىسۋىمەن ەلوردaدa ۆولونتەرلەردىڭ «Birgemiz» رەسپۋبليكaلىق فرونت-كەڭسەسى ءوز جۇمىسىن بaستaدى. شaرaنىڭ aشىلۋ سaلتaنaتىندa پرەزيدەنت قaزaقستaندaعى ۆولونتەرلەر قوزعaلىسىنىڭ قۇرمەتتى ەلشىسى اتاندى. قازاقتىڭ كونە زاماننان كەلە جاتقان ءداستۇرىن جالعاپ، ىزگى ىستەرىمەن وتاندى ءسۇيۋدىڭ جارقىن ۇلگىسىن كورسەتىپ جۇرگەن ەرىكتىلەردىڭ جۇمىسىنا جوعارى باعا بەرگەن مەملەكەت باسشىسى ولاردى جاڭا جەتىستىكتەرگە جىگەرلەندىردى. ۆولونتەرلەر جىلىنىڭ كەزەكتى ناۋقان ەمەس ەكەنىن ەسكەرتكەن قاسىم-جومارت توقاەۆ اتقارۋشى ورگاندارعا ۆولونتەرلىك ىستەرگە قولداۋشى عانا ەمەس، باستاماشى بولۋ مىندەتىن جۇكتەدى.   

 ۆولونتەرلەرمەن باسقوسۋدا  مەملەكەت باسشىسى ۆولونتەرلىك حالقىمىزدىڭ شىنايى بولمىسى، سالت-ءداستۇرى ەكەنىن ايتا كەلە، بۇل ءداستۇردى ساقتاپ قالۋدىڭ ماڭىزىنا توقتالدى. 

– يگى ىسپەن اينالىسۋ، ادامدارعا جاقسىلىق جاساۋ – كونە زاماننان كەلە جاتقان ءداستۇر.  بۇل ءداستۇردى مىندەتتى تۇردە ساقتاپ قالۋىمىز كەرەك. سەبەبى بىرەۋگە قول ۇشىن سوزىپ، قولداۋ كورسەتۋ – قانىمىزعا سىڭگەن قاسيەت. حالقىمىزدا وسىنداي بەرەكە-بىرلىككە شاقىراتىن اسار ءداستۇرى بار. بۇل – عاسىرلار بويى قۇندىلىعىن جويماعان اتا سالتىمىز. «جۇمىلا كوتەرگەن جۇك جەڭىل» دەيدى حالقىمىز. ۆولونتەرلىك قىزمەتتىڭ باستى ماقساتى دا – بىرگە جۇمىلىپ، حالىققا قىزمەت ەتۋ، – دەدى مەملەكەت باسشىسى.

 ابايدىڭ «قارەكەت قىل، پايداسى كوپكە ءتيسىن» دەگەن ۇلاعاتىن تىلگە تيەك ەتكەن پرەزيدەنت ەرىكتىلەردىڭ رياسىز ەڭبەگى ەلگە دەگەن سۇيىسپەنشىلىكتىڭ ايعاعى ەكەنىن ايتتى.

– ۆولونتەرلىك ناقتى ىستەرمەن كورىنەتىن ءپاتريوتيزمنىڭ جوعارى دەڭگەيىن بىلدىرەدى. وتانعا دەگەن ماحاببات ۇلكەن ۇراندار مەن بوس دەكلاراتسيالار ەمەس، بۇل – كۇندەلىكتى ەڭبەك، سونىڭ ىشىندە حالىقتىڭ يگىلىگى ءۇشىن شىنايى اتقارىلاتىن قايىرىمدى ىستەر.  بۇل – كۇندەلىكتى ەڭبەك، بۇل – ادامنىڭ بولمىسى، بۇل – تەرەڭ ءبىلىم، جوعارى مىنەز-قۇلىق مادەنيەتى. وزگەنىڭ دۇنيە-مۇلكىنە قول سۇعاتىن، تو­ناۋشىلىقپەن اينالىساتىن، جالعان پات­ريوتتىق ۇرانداردى تاراتاتىن ادامدار پات­ريوت ەمەس ەكەنىن ءتۇسىنۋىمىز كەرەك. مۇن­داي ادامدار زاڭ بۇزعان بولىپ سانالادى، ياعني ولار – قىلمىسكەرلەر، قىلمىستىق ەلە­مەنتتەر. سوندىقتان ولار قوعام مەن مەملەكەت الدىندا زاڭعا سايكەس جاۋاپ بەرۋى ءتيىس، – دەدى مەملەكەت باسشىسى.

ەلىمىزدە 200-دەن استام ەرىكتىلەر ۇيىمى، 50 مىڭنان استام ۆولونتەر بار ەكەنىن اتاپ وتكەن قاسىم-جومارت توقاەۆ قوعام ءومىرىنىڭ بارلىق سالاسىندا بەلسەندىلىك تانىتىپ جۇرگەن ۇيىمدارعا جەكەلەي توقتالىپ، ولاردىڭ جۇمىسىن كوپكە ۇلگى ەتتى. اتاپ ايتقاندا، ول قيىن تۇرمىستىق جاعدايعا تاپ بولعان ادامدارعا كومەك قولىن سوزۋعا دايىن مىڭداعان بەلسەندىلەرى بار ۇلتتىق ەرىكتىلەر جەلىسىنىڭ، Lider.kz, Best for kids, ەلوردالىق «28 پەتەل» كلۋبى مەن «قامقورشىلار كلۋبىنىڭ» جۇمىسىن جوعارى باعالادى.

مەملەكەت باسشىسى جاھاندىق جانە ايماقتىق ماسەلەلەردى شەشەتىن حالىقارالىق ۆولونتەرلىك باستامالارعا ەل ازاماتتارىن تارتۋدىڭ ماڭىزىن ايتتى.

– قازاقستان 116 ەلدىڭ 20 ميلليوننان استام ەرىكتىلەرىن بىرىكتىرەتىن دۇنيەجۇزىلىك ەكولوگيالىق  World Clean up day  ناۋقانىنا قوسىلۋعا دايىن. وتانداستارىمىزدىڭ بۇۇ، يۋنيسەف، AIESEC ۇيىمدارىنىڭ ەرىكتىلىك باعدارلامالارىنا جانە باسقا دا حالىق­ارالىق باستامالارعا اتسالىسۋى ءارتۇرلى مەملەكەتتەردىڭ تاجىريبەسىمەن تانىسۋعا جانە ەلىمىزگە ۇزدىك ۆولونتەرلىك تاجىريبەنى تارتۋعا مۇمكىندىك بەرەدى، – دەدى ق.توقاەۆ.

سونداي-اق قازاقستان پرەزيدەنتى ەرىكتى­لەردى ەلدىڭ رۋحاني دامۋىنا اتسالىسۋعا شا­قىردى.

– مادەنيەتىمىزدى دامىتپاي، ءوسىپ-ءور­كەندەۋ مۇمكىن ەمەس. سوندىقتان وسى ءما­سەلەگە ەرەكشە ءمان بەرۋىمىز قاجەت. قازىرگى تاڭدا ءما­دەنيەت جانە ونەر سالاسىندا جاس تالانت­تاردىڭ ارقاسىندا قازاقستان كۇللى الەمگە تانىلىپ كەلەدى. ءبىز وسى باعىتتا جۇيەلى جۇمىس جۇرگىزۋىمىز كەرەك. ياعني ويى ۇشقىر ءارى دارىندى ازاماتتاردى بارىنشا قولداۋ قاجەت. سوندا عانا ءتول مادەنيەتىمىزدى جاڭا بە­لەسكە كوتەرەتىن بۋىن قالىپتاسادى، – دەدى مەملەكەت باسشىسى.

قاسىم-جومارت توقاەۆ شىعارماشىلىق باستامالاردى قولداۋ ماقساتىندا مادەنيەت قورىن اشۋ تۋرالى تاپسىرما بەرگەنىن اتاپ ءوتتى.  پرەزيدەنتتىڭ ايتۋىنشا، بۇل قۇرىلىم شى­عارماشىلىق وداقتارعا، الەۋەتتى جوبا­لارعا قارجىلىق جانە باسقا دا باعىتتا كومەك بەرەدى. قور جۇمىسىنا ۆولونتەرلەردى تارتسا، ولار مۋزەي، كىتاپحانا، ونەر مەكەمەلەرىندە وزدەرىنىڭ جوبالارىن جۇزەگە اسىرا الا­دى. مەملەكەت باسشىسى بۇل شارالار ەلى­مىزدىڭ شىعارماشىلىق الەۋەتىن نىعاي­تۋعا مول مۇمكىندىك بەرەتىنىنە سەنىم ءبىلدىردى. 

ەرىكتىلەر جىلى اياسىندا اتقارىلاتىن شا­رالارعا كاسىپكەرلەردى تارتۋدىڭ دا ماڭى­زى زور. قاسىم-جومارت توقاەۆ ۆولونتەرلىك قىز­مەت مەملەكەتتىك جانە جەكە كوم­پا­نيا­لاردىڭ قىزمەتكەرلەرى ءۇشىن جۇمىس مادە­نيە­تىنە اينالۋى ءتيىس ەكەنىن قاداپ ايتتى.

 – ارينە، ۆولونتەرلىك باستامالاردىڭ ءىل­گە­رىلەۋىنە ەكپىن بەرىپ، بەلسەندىلەر ءۇشىن بارلىق جاعداي جاسايتىن جەرگىلىكتى ات­قارۋشى ورگاندار ماڭىزدى رولگە يە بولۋى ءتيىس. مەن قازىر بارلىق اتقارۋشى ورگان­دار­دىڭ باسشىلارىنا تاپسىرما بەردى دەپ سا­ناڭىزدار. ءبىرىنشى كەزەكتە، مەملەكەتتىك قىز­مەتشىلەر، ۇلتتىق كومپانيالاردىڭ، كوم­مۋنالدىق كاسىپورىنداردىڭ قىزمەت­كەر­لەرى جۇمىس اپتاسىنىڭ بىرنەشە ساعاتىن وسى باعىتقا ءبولىپ، ۇلگى-ونەگە كورسەتۋى ءتيىس – دەدى مەملەكەت باسشىسى. 

سوڭعى جاڭالىقتار