26 قاڭتار 2020, 09:43 2901 0 ايماق انار لەپەسوۆا

قىزىلوردا تۇرعىنى پويىز استىنا ءتۇسىپ كوز جۇمدى

سۋرەت عالامتوردان الىندى
سۋرەت عالامتوردان الىندى

جولاۋشىلار پويىزى باسىپ كەتكەن قىزىلوردانىڭ 26 جاستاعى تۇرعىنى وقيعا ورنىندا كوز جۇمدى، دەپ حابارلايدى قازاقپارات. 

تەمىرجولدى كەسىپ وتپەك بولعان تۇرعىندى «قىزىلوردا-پەتروپاۆل» جولاۋشىلار پويىزى باسىپ كەتتى. اتالمىش وقيعا 23 قاڭتاردا بولعان. ول قالانىڭ كبي شاعىن اۋدانى تۇرعىنى ەكەنى بەلگىلى بولدى.

«جەلىلىك پوليتسيا ءبولىمىنىڭ قىزمەتكەرلەرى تۇرعىندارعا تەمىرجولدىڭ بەلگىلەنگەن ايماعىنان ءوتۋ جونىندە قۇلاعدار ەتىپ كەلەدى. دەگەنمەن وقىس وقيعا تىركەلدى. جولاۋشىلار پويىزى قاققان ازامات وقيعا ورنىندا كوز جۇمدى. قالا تۇرعىندارىنان تەمىرجولدان تەك بەلگىلەنگەن جەرلەردەن ءوتۋىن سۇرايمىز»، - دەيدى قىزىلوردا ستانتسياسى جەلىلىك پوليتسيا ءبولىمى باستىعىنىڭ ءبىرىنشى ورىنباسارى ەربول ءابدىرامانوۆ.

 

 

سوڭعى جاڭالىقتار