24 قاڭتار, 14:34 619 0 ساياسات انار لەپەسوۆا

پرەزيدەنت ءوز مىندەتىن ورىنداي الماعان شەنەۋنىكتەرگە كوكتەمگە دەيىن ۋاقىت بەردى

وزدەرىنە جۇكتەلگەن مىندەتتەردى ورىنداي الماعان ۇكىمەت مۇشەلەرى كوكتەمدە قىزمەتىنەن بوساتىلادى. ۇكىمەت وتىرىسىندا مەملەكەت باسشىسى وسىلاي مالىمدەدى. 

"كەمشىلىكتەر جەتكىلىكتى. مىسالى، ءوز سوزىمدە ايتقانىمداي، حالىق تۇتىناتىن ەڭ قاجەتتى تاۋارلاردىڭ باعاسىن ءوسىرىپ جىبەرگەنى ءۇشىن قاتاڭ شارالار قولدانۋعا بولار ەدى. جالپى العاندا، سوگىس بەرۋ جاقسى ناتيجەگە جەتۋدىڭ اسا ءتيىمدى جولى ەمەس. بۇل مەنىڭ ناقتى ۇستانىمىم. سوندىقتان ۇكىمەت مۇشەلەرى مەن اكىمدەرگە كەمشىلىكتەردى تۇزەتۋگە مۇمكىندىك بەرىپ وتىرمىن", - دەدى توقاەۆ ۇكىمەتتىڭ كەڭەيتىلگەن وتىرىسىندا.

قاسىم-جومارت توقاەۆ بۇگىنگى جيىندا بەرىلگەن تاپسىرمالاردى زور جاۋاپكەرشىلىكپەن ورىنداۋ قاجەت ەكەنىن اتاپ ءوتتى.

"كوكتەمدە بۇل ماسەلەگە قايتا ورالامىز. سول كەزدە ءتۇرلى سەبەپتەرگە بايلانىستى وزدەرىنە جۇكتەلگەن مىندەتتەردى ءتيىستى دەڭگەيدە اتقارا الماعانداردى قىزمەتىنەن بوساتۋ جونىندە ناقتى شەشىم قابىلدايمىز", - دەدى پرەزيدەنت.

 

سوڭعى جاڭالىقتار