24 قاڭتار 2020, 13:27 1537 0 ەكونوميكا انار لەپەسوۆا

قىتاي ءوز جاعىنا قالا سالىپ تاستادى، ال بىزدە ەشقانداي عيمارات جوق – پرەزيدەنت "قورعاس" ورتالىعى تۋرالى

پرەزيدەنت  قاسىم-جومارت توقاەۆ 2025 جىلعا دەيىنگى ساۋدا ساياساتى جونىندەگى مەملەكەتتىك باعدارلاما ازىرلەۋدى تاپسىردى.

«شەكارالىق ساۋدادا ەكسپورت بويىنشا ۇلكەن الەۋەت بار. بۇل رەتتە ورتالىق ازيادا وراسان زور مۇمكىندىكتەر بارشىلىق. 2018 جىلى ەلباسى وزبەكستانمەن شەكارادا «ورتالىق ازيا» اتتى ساۋدا-ەكونوميكالىق ىنتىماقتاستىق ورتالىعىن قۇرۋدى تاپسىرعان ەدى. سودان بەرى كەلىسسوزدەر ءجۇرىپ جاتقانىمەن، قازاقستاننىڭ مۇددەسىن ەسكەرەرلىك ناقتى شەشىم قابىلدانعان جوق. ال قازىرگى «قورعاس» حالىقارالىق شەكارالىق ىنتىماقتاستىق ورتالىعى جوعارى تيىمدىلىگىمەن ماقتانا المايدى. ءوزىڭىز بىلەتىندەي، قىتاي جاققا قاراعاندا ءبىزدىڭ جاقتا ەشقانداي عيمارات جوق. قىتاي ءوز جاعىندا قالا سالىپ تاستادى»، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

سونداي-اق، مەملەكەت باسشىسى شەكارالىق ىنتىماقتاستىق اقىرى شىنتۋايتىندا شەتەلدەن كەلەتىن يمپورتتىق ورىنعا اينالعانىن سىنعا الدى.

«سول سەبەپتى، شارالاردى ۇيلەستىرىپ، سالىقتىق ساياساتتى قاراپ، وتاندىق تاۋار وندىرۋشىلەردىڭ مۇددەسىن ەسەپكە الۋ كەرەك. جوعارىدا اتالعان جايلاردى ەسەپكە الا وتىرىپ، 2025 جىلعا دەيىنگى ساۋدا ساياساتى جونىندەگى مەملەكەتتىك باعدارلاما ازىرلەۋدى تاپسىرامىن»، - دەدى مەملەكەت باسشىسى.

 

سوڭعى جاڭالىقتار